කොළඹ ලේක්හවුස් ආයතනය අසලදී මෝටර් රථයක් අද උදෑසන අනතුරට ලක්ව තිබේ.

අනතුරට ලක්වූ මෝටර් රථය ලේක්හවුස් ආයතනයේ පැති බැම්මේ ගැටීම නිසා එම බැම්මට ද හානි සිදුව ඇත.

මෙම අනතුරට හේතුව කුමක්ද යන්න මෙතෙක් අනාවරණ වී නැත.

එහෙත් ඇතැම් සමාජ මාධ්‍ය සටහන්වල දැක්වුණේ අනතුරක් වැළැක්වීමට යැමේදී මෙම මෝටර් රථය අනතුරට ලක්ව ඇති බවයි.

එහි රියදුරාට තුවාල සිදුව නොමැති බව ද එම වාර්තාවල දැක්විණි.

අනතුරට පත් වූ රථය එම ස්ථානයෙන් ඉවත් කිරීමේ කටයුතු සඳහා ආපදා රථ ද පැමිණ තිබෙනු දක්නට ලැබිණි.