රුපියල් මිලියන 30 ක් පමණ වටිනා ඉහළ වටිනාකමකින් යුත් ජංගම දුරකථන තොගයක් රට තුළට ගෙන ඒමට උත්සාහ කළ මගියකු කටුනායක ගුවන් තොටුපළේ රේගු නිලධාරීන් විසින් අත්අඩංගුවට ගෙන තිබේ.

සැකකරු ගුවන් තොටුපළේ ‘ග්‍රීන් චැනල්’ හරහා ජංගම දුරකථන නීතිවිරෝධී ලෙස රැගෙන ඒමට උත්සාහ කර ඇත.

අත්අඩංගුවට ගත් පුද්ගලයා කොළඹ පදිංචි 28 හැවිරිදි ව්‍යාපාරිකයෙකි.

ඩුබායි සිට පැමිණි සැකකරුට අයත් ගමන් මලු තුනක් තුළ සඟවා තිබූ විවිධ වෙළඳ නාමවලින් යුත් ඉහළ වටිනාකමකින් යුතු ජංගම දුරකථන 111ක් රේගු නිලධාරීන් විසින් සොයාගන්නා ලදී.