හිටපු ඇමැති කෙහෙළිය රඹුක්වැල්ලට සහ රාජ්‍ය මුද්‍රණ නීතිගත සංස්ථාවේ හිටපු සභාපතිවරයාට එරෙහිව අල්ලස් හෝ දූෂණ චෝදනා විමර්ශන කොමිෂන් සභාව පවරා ඇති නඩුව නොවැම්බර් මස 29 වැනිදා විභාගයට ගැනීමට කොළඹ මහාධිකරණය නියෝග කර තිබේ.

මෙම නඩුව අද (3) කොළඹ මහාධිකරණය හමුවේ කැදවූ අවස්ථාවේදී මෙම නියෝගය නිකුත් කෙරිණි.

කෙහෙළිය රඹුක්වැල්ල ජනමාධ්‍ය ඇමැතිවරයා ලෙස කටයුතු කළ සමයේ රාජ්‍ය මුද්‍රණ නීතිගත සංස්ථාවේ මුදලින් රුපියල් 240,000ක පමණ මුදලක් යොද ගනිමින් පෞද්ගලික දුරකථනයක් සඳහා ගෙවීම් සිදුකිරීම සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව විසින් මෙම චෝදනා ගොනු කර ඇත.