පිළියන්දල ප්‍රදේශයේ දී රැකියාවට ගොස් නිවසට පැමිණෙමින් සිටි දහනව හැවිරිදි දැරියකට 40 හැවිරිදි පුද්ගලයෙක් විසින් පිහියකින් ඇන තුවාල සිදු කර ඇත.

පහරකෑමට ලක්වූ දැරිය හෝමාගම රෝහලට ඇතුළත් කිරීමෙන් අනතුරුව කොළඹ ජාතික රෝහලට මාරුකර යවා ඇති බව පොලිසිය සඳහන් කරයි.

දැරියගේ පියා සමඟ ඇති වූ ආරවුලක් මත සැකකරු ඇයට පිහියෙන් ඇන ඇති බවට අනාවරණ වී ඇත.

බීමට ඇබ්බැහි වූ සැකකරු සිද්ධිය සම්බන්ධයෙන් පිළියන්දල පොලිසිය විසින් අත්අඩංගුවට ගෙන තිබේ.