මහනුවර රජ වීදිය ඔස්සේ දළදා මාලිගා පරිශ්‍රයට ඇතුළු කිරීමට ගිය මහනුවර මහ නගර සභාවට අයත් කසළ ප්‍රවාහන ලොරි රථයක තිබී ටී 56 ගිනි අවි සඳහා යොදන හිස් පතුරොම් කොපු 32 ක් ඊයේ (17) පස්වරුවේ සොයාගෙන තිබෙන බව වාර්තා සඳහන් කරයි.

දළදා මාලිගාවට අයත් ආරක්ෂිත කලාපයේ පිහිටි රජ වීදිය පොලිස් මුරපොළේ නිලධාරීන් විසින් සිදුකළ පරීක්ෂාවක දී ලොරි රථයේ වූ කුඩා පොහොර උරයක තිබී මෙම හිස් පතුරම් කොපු තොගය හමුවී තිබෙනවා.

පොලිසිය මේ සම්බන්ධයෙන් විමර්ශන ආරම්භ කර ඇති අතර, ලොරි රථයේ රියදුරු සහ රිය සහායකයා පොලීසිය අත්අඩංගුවට ගෙන තිබේ.