April 3, 2025
දූෂණ චෝදනා මත වසර 16 බැගින් බරපතළ වැඩ සහිත සිර දඬුවම් නියම වූ උතුරු මැද පළාත් හිටපු ප්‍රධාන අමාත්‍ය එස්.එම්. රංජිත් සහ ඔහුගේ පෞද්ගලික ලේකම් ශාන්ති චන්ද්‍රසේන ඔවුන්ගේ දඬුවමට එරෙහිව අභියාචනයක් ගොනු කර තිබේ.
එම අභියාචනය අභියාචනාධිකරණයට ඉදිරිපත් කිරීම සඳහා කොළඹ මහාධිකරණයට ඉදිරිපත් කර ඇත.
අභියාචනයේදී, ඔවුන් කියා සිටින්නේ නඩු විභාගයේදී ඉදිරිපත් කළ කරුණු සළකා බැලීමට මහාධිකරණ විනිසුරුවරයා අපොහොසත් වූ බවයි.
ඒ අනුව, ඔවුන් අභියාචනාධිකරණයෙන් ඉල්ලා ඇත්තේ තමන් චෝදනාවලින් නිදහස් කරන ලෙසයි.
