March 20, 2025
කොළඹ දිස්ත්‍රික්කයේ සමගි ජන බලවේග පාර්ලිමේන්තු මන්ත්‍රී මුජිබර් රහ්මාන් ලංකා සතොස ආයතනයේ අක්‍රමිකතා සහ දුෂණ පිළිබඳව හෙළිදරව්වක් කළ අතර, ජනාධිපති අනුර කුමාර දිසානායකගේ උපදේශක ලෙස කටයුතු කරන දුමින්ද හුලංගමුවට අයත් සමාගමකට පද්ධති විගණනය සඳහා ටෙන්ඩරයක් ලබා දී ඇති බවට චෝදනා කළේය.
අයවැය විවාදය අතරතුර පාර්ලිමේන්තුවේදී අදහස් දක්වමින් ඔහු කියාසිටියේ, හුලංගමුවගේ සමාගම තෝරා නොගත් බැවින් 2025 පෙබරවාරි 28 වැනි දින විවෘත කරන ලද පද්ධති විගණනය සඳහා වූ පෙර ටෙන්ඩරය අවලංගු කළ බවයි.
මෙම විශේෂිත සමාගම සුදුසුකම් ලැබීම සඳහා පමණක් නව ටෙන්ඩර් කැඳවීමක් සිදුකර ඇති බවට ඔහු චෝදනා කළේය.
බිත්තර, සහල් වැනි සැපයුම් මිලදී ගැනීමේදී සහ පොල් ප්‍රවාහනය කිරීමේදී ලංකා සතොස දූෂණයෙන් පිරී ඇති බවට සජබ මන්ත්‍රීවරයා චෝදනා කළේය.
“අතීතයේ දී, ලංකා සතොස සැමවිටම දූෂණයෙන් හා වංචාවෙන් දූෂිත වී තිබුණා. අද එය එකල දූෂණ විරෝධී මුරකාවල් මෙහෙයවූ අමාත්‍යවරයෙකුගේ විෂය පථය යටතේ පවතිනවා. දූෂණ විරෝධී ව්‍යාපාරයක ඔබ අතීතතයේ කටයුතු කර තිබියදීත්, ඔබ යටතේ ඇති ආයතනයක දූෂණය ආමන්ත්‍රණය කිරීමට ඔබ අවාසනාවන්ත ලෙස අසමත් වෙලා තියෙනවා. ඔබ ඒ කාලයේ දූෂණයට හා වංචාවට එරෙහිව හඬ අවදි කළා. අද ඔබ අසමත්. ඔබ මේ ගැන නිහඬව සිටිනවාද නැත්නම් ඒ ගැන කතාකරන්න බැරිද කියලා මම දන්නේ නෑ. එසේත් නැතිනම්, ඔබ කිසිවක් දන්නේ නෑ කියලා මවාපානවාද කියලා මට හිතෙනවා” ඔහු පැවැසීය.
වෙළඳ අමාත්‍ය වසන්ත සමරසිංහ ඒ මොහොතේ පාර්ලිමේන්තුවේ සිටියේය.
ලංකා සතොස හි වත්මන් වැඩබලන ප්‍රධාන විධායක නිලධාරී සහල් මිලදී ගැනීම් සඳහා වූ ටෙන්ඩර් ක්‍රියාවලියට මැදිහත් වූ බවත්, මේ සම්බන්ධයෙන් විගණන පරීක්ෂණයක් දැන් සිදුවෙමින් පවතින බවත් ඔහු පැවසීය.
වැඩබලන ප්‍රධාන විධායක නිලධාරියා මුලින් නියෝජ්‍ය සාමාන්‍යාධිකාරී-අභ්‍යන්තර විගණනය ලෙස පත්කර ඇති බව ඔහු පැවසීය.
“දැන්, ඔහු තනතුරු දෙකක සේවය කරනවා” මුජිබුර් රහ්මාන් පැවැසීය.
චෝදනාවට ප්‍රතිචාර දක්වමින් වෙළඳ අමාත්‍ය වසන්ත සමරසිංහ පැවසුවේ ජනාධිපති උපදේශක දුමින්ද හුලංගමුවගේ සමාගමකට පද්ධති විගණන කොන්ත්‍රාත්තුව ප්‍රදානය කිරීමේදී ටෙන්ඩර් ක්‍රියා පටිපාටි උල්ලංඝනය කිරීමක් සිදුවී නොමැති බවයි.
චෝදනාව හෙළාදකිමින් අමාත්‍ය සමරසිංහ පැවසුවේ සුදුසුකම් ලත් ඕනෑම සමාගමකට හිමිකාරිත්වය නොසළකා කොන්ත්‍රාත්තු ප්‍රදානය කරන බවයි.
“ජනාධිපතිවරයාගේ උපදේශකවරයා සතු යැයි කියන සමාගමකට කොන්ත්‍රාත්තුවක් ප්‍රදානය කර ඇති බවට විපක්ෂය චෝදනා කරනවා. කෙසේවෙතත් කොන්ත්‍රාත්තුව ප්‍රදානය කිරීමේදී ක්‍රියා පටිපාටි උල්ලංඝනය කිරීමක් සිදුවී නැහැ. ඕනෑම කෙනෙකුට අයත් සමාගමකට සුදුසුකම් තිබේ නම් කොන්ත්‍රාත්තුවක් ලබාගන්න පුළුවන්. වත්මන් පාර්ලිමේන්තුවේ මන්ත්‍රීවරුන් කිහිපදෙනෙකු සතු සමාගම් ගණනාවකට රජයේ කොන්ත්‍රාත්තු ගණනාවක් ප්‍රදානය කර තිබෙනවා. මම ඔවුන්ගේ නම් හෙළිකිරීමට කැමති නැහැ ”ඔහු පැවැසීය.
