හිටපු බස්නා­යක නිල­මේ­ව­ර­යකු වන සමගි ජන බල­වේ­ගයේ සංවි­ධා­ය­ක­ව­ර­ය­කුගේ නිවෙ­සක් බිඳ භාණ්ඩ සොරාගත්තේ යැයි පැමි­ණි­ල්ල­කට අනුව කහ­වත්ත ඇන්දාන පොලි­සිය සිදුකළ විමර්ශ­න­ය­කදී, එම සොරා ගත් භාණ්ඩ අතර තිබූ ඔස්ට්‍රි­යාවේ නිෂ්පා­දිත ගිනි අවි­යක් සහ උණ්ඩ සමඟ සොර­ක­මට සම්බන්ධ සැක­කරු අත්අ­ඩං­ගු­ව­ට­ ගෙන පැල්ම­ඬුල්ල වැඩබලන මහේ­ස්ත්‍රාත් හවුපේ එම්. ජය­සිරි හමු­වට ඉදි­රි­පත් කිරී­මෙන් පසු සැක­කරු ලබන 25 වැනිදා තෙක් රක්ෂිත බන්ධ­නා­ගා­ර­ගත කිරී­මට නියෝග කළේය.

මහ­නු­වර ප්‍රදේ­ශයේ දේවාල දෙකක බස්නා­යක නිල­මේ­ව­ර­යකු සහ සමගි ජන බල­වේ­ගයේ මහ­නු­වර දිස්ත්‍රික් සංවි­ධා­ය­ක­ව­ර­ය­කුට අයත් කහ­වත්ත ඇන්දාන ගොඩ­කු­ඹුර කීන­මු­ල්හේන වතු­යායේ වතු බංග­ලාව පසු­ගිය 08 වැනිදා බිඳ ඇතැයි එම වතු හිමියා ඇන්දාන පොලි­සි­යට පැමි­ණිළි කර තිබිණි.

ජල මෝට­ර­යක් ඇතුඵ භාණ්ඩ කිහි­ප­යක් සොරා­ගෙන ගොස් ඇතැයි පැමි­ණිල්ලේ සඳ­හන් වූ බව පොලී­සිය අධි­ක­ර­ණ­යට කරුණු වාර්තා කළේය.

වතු බංග­ලා­වෙන් සොරාගන්නා ලද භාණ්ඩ කිහි­ප­යක් වත්තේ පහළ කොට­සක සඟවා තිබි­යදී පොලි­සිය විසින් සොයාගෙන තිබිණි.

පරී­ක්ෂණ කිරී­මේදී අල­කොළ ගාලක සැඟවී සිටි සැක­කරු අත්අ­ඩං­ගු­වට ගෙන ප්‍රශ්න කිරී­මේදී සොරාගත් භාණ්ඩ අතර තිබූ ගිනි අවි­යක්, බෝර 12 උණ්ඩ හයක් දුර­ද­ක්න­යක් ද පොලි­සිය විසින් සොයාගත් බව පොලී­සිය අධි­ක­ර­ණ­යට දැනුම් දුන්නේය.

එම ගිනි අවිය හිටපු බස්නා­යක නිල­මේ­ව­ර­යාට අයත්දැයි සොයා පරී­ක්ෂණ සිදුකරන බවත් ඔහු­ගෙන් එක් ප්‍රකා­ශ­ක­යක් ලබාගත් අතර තවත් ප්‍රකා­ශ­යක් ලබාගන්නා බව පොලිසිය පව­සයි.