පසුගිය ආණ්ඩුව යටතේ මුලතිව් හි මත්පැන් බලපත්‍රයක් ලබාගැනීම සඳහා පුද්ගලයෙකුට නිර්දේශ ලිපියක් නිකුත් කිරීම සම්බන්ධයෙන් උතුරු පළාතේ හිටපු මහ ඇමති සී.වී. විග්නේෂ්වරන් මෑත පාර්ලිමේන්තු මැතිවරණයට පෙර දැඩි විවේචනයට ලක්විය.

යුද්ධය අවසන් වීමෙන් පසු, යුද්ධයේ බලපෑමෙන් මිදීමට තවමත් අරගල කරන යුද්ධයෙන් විනාශ වූ ප්‍රදේශවල කිසිදු පුද්ගලයකුට නව මත්පැන් බලපත්‍ර නිකුත් කර නොමැත.

මෙම මතභේදය සහ අනෙකුත් වැරදි හේතුවෙන්, ඔහුගේ පක්ෂයට ද එක මන්ත්‍රීවරයකු මැතිවරණයේදී දිනාගත නොහැකි විය.

දේශපාලන පක්ෂ ඔවුන්ගේ නාමයෝජනා පත්‍ර අවසන් කිරීමත් සමඟ, හිටපු මහඇමතිවරයා නව සාධාරණීකරණයක් සමඟ ගැටලුව නැවත ඉදිරිපත් කර ඇත.

මෙම සතියේ යාපනයේදී ජනමාධ්‍ය වාර්තාකරුවන්ට අදහස් දක්වමින්, විග්නේශ්වරන් පැවසුවේ, බලපත්‍රලාභී බාර් නොමැති විට දිස්ත්‍රික්කයේ ‘කසිප්පු’ ව්‍යාපාරය සමෘද්ධිමත් වූ බැවින් තමා එවැනි නිර්දේශයක් නිකුත් කළ බවයි.

තම කරුණ අවධාරණය කිරීම සඳහා, හිටපු මහඇමතිවරයා පැවසුවේ, මුලතිව් හි සේවය කළ සහ දැනට ඕස්ට්‍රේලියාවේ පදිංචිව සිටින වෛද්‍යවරයෙකුගෙන් තමාට ඇමතුමක් ලැබුණු බවත්, ඔහු තමාගේ යෝජනාව අගය කරන බවත්ය.

දිස්ත්‍රික්කයේ නීතිවිරෝධී මත්පැන් පානය කිරීමෙන් ඇතිවන සෞඛ්‍යමය බලපෑම් වෛද්‍යවරයා සියැසින් දුටු බව විග්නේෂ්වරන් පැවැසීය.

මෙම ජනමාධ්‍ය හමුවට සහභාගී වූ එක් ජනමාධ්‍යවේදියෙක් තම සගයාට මෙසේ පැවසීය, “එහෙම නම් කසිප්පු නැතුව අරක්කු බොන එක හොඳ ඇති”