පාස්කු ඉරිදා ප්‍රහාරයට 6 වැනි සංවත්සරයට පෙර එහි වින්දිතයන්ට යුක්තිය ඉටුවනු ඇතැයි කොළඹ අගරදගුරු අති උතුම් මැල්කම් කාදිනල් රංජිත් හිමිපාණන් බලාපොරොත්තු පළකර තිබේ.

ඊයේ (15) කොළඹ අගරදගුරු මන්දිරයේ පැවැති මහජන සන්නිවේදන සංසදයේදී අදහස් දක්වමින් කාදිනල් රංජිත් හිමිපාණන් අනතුරු ඇඟවූයේ යුක්තිය සහතික කිරීමට අපොහොසත් වුවහොත් විරෝධතා දැක්වීමට වීදි බැසීමට සිදුවනු ඇති බවයි.

“මේ රට පාලනය කළ නායකයන් පාස්කු ප්‍රහාරයට යුක්තිය ඉටුකරන බවට පොරොන්දු වුණා. කෙසේවෙතත්, එම පොරොන්දු කිසිවක් ඉටු වී නැහැ. එම ක්‍රමය වෙනස් කිරීම සඳහා මේ ආණ්ඩුව බලයට ගෙන ඒමට අපි සහාය දුන්නා. නමුත් ක්‍රමය නොවෙනස්ව පැවතුණොත්, අපේ ස්ථාවරය නැවත සළකා බැලීමට අපට සිදුවෙනවා.

කටුවපිටිය පල්ලියේදී ජනාධිපතිවරයා දුන් පොරොන්දුව ඉටුකරන ලෙස අපි තවමත් රජයෙන් ඉල්ලා සිටිනවා. 6 වන සංවත්සරයට පෙර අපට රජයෙන් සාධාරණ හා සාධාරණ ප්‍රතිචාරයක් ලැබුණොත්, අපි එය අගය කරනවා. එසේ නොමැතිනම්, අපට නැවත පාරට බැසීම හැර වෙනත් විකල්පයක් නැහැ ” යැයි උන්වහන්සේ අනතුරු ඇඟවීය.