ආරච්චිකට්ටුව පොලිස් ස්ථානයට අනුයුක්තව සේවය කරන පොලිස් කොස්තාපල්වරයකු රුපියල් 1,500 ක අල්ලසක් ලබාගැනීම සම්බන්ධයෙන් අත්අඩංගුවට ගෙන තිබේ.

ඊයේ බණ්ඩාරහේන පල්ලියකදී අල්ලස් ලබාගනිමින් සිටියදී අල්ලස් කොමිසමේ නිලධාරීන් විසින් පොලිස් නිලධාරියා අත්අඩංගුවට ගෙන තිබේ.

අඩිප්පල පදිංචිකරුවකු විසින් අල්ලස් කොමිසමට ගොනුකරන ලද පැමිණිල්ලක් මත පදනම්ව මෙම අත්අඩංගුවට ගැනීම සිදුකර ඇත.

පැමිණිලිකරුට විදේශගත වීමට අවශ්‍ය පොලිස් නිෂ්කාශන වාර්තාවක් ලබාදීම සඳහා අල්ලස් ඉල්ලා සිටීම සම්බන්ධයෙන් පොලිස් කොස්තාපල්වරයාට චෝදනා එල්ල වී තිබේ.

අත්අඩංගුවට ගත් පොලිස් කොස්තාපල්වරයා හලාවත මහේස්ත්‍රාත් අධිකරණයට ඉදිරිපත් කිරීමට නියමිතය.