රෝයල් පාර්ක් ඝාතන නඩුවේ වින්දිතයින්ට ගෙවිය යුතු රුපියල් මිලියන 01 ක වන්දි මුදල, අධිකරණය විසින් කළින් නියම කර ඇති පරිදි, පියවා ඇති බව හිටපු ජනාධිපති මෛත්‍රීපාල සිරිසේන ශ්‍රේෂ්ඨාධිකරණයට දැනුම් දී තිබේ.

මෛත්‍රීපාල සිරිසේන අද අධිකරණයේ පෙනීසිටීමෙන් පසුව මේ සම්බන්ධයෙන් අධිකරණයට දැනුම්දෙන ලදී.

අනතුරුව ශ්‍රේෂ්ඨාධිකරණ විනිසුරු මඩුල්ල මෝසමක් මගින් විස්තර ඉදිරිපත් කරන ලෙස මෛත්‍රීපාල සිරිසේනගේ නීතිඥවරයාට නියෝග කළේය.

රෝයල් පාර්ක් ඝාතන නඩුවේ වින්දිතයින්ට ගෙවිය යුතු රුපියල් මිලියන 01 ක වන්දි මුදල පියවා නොගැනීමට හේතු දක්වන ලෙසට නියෝග කරමින් මෛත්‍රීපාල සිරිසේනට නොතීසියක් නිකුත් කිරීමෙන් ටික වේලාවකට පසු අධිකරණයට පැමිණියේය.

පසුගිය වසරේදී, රෝයල් පාර්ක් ඝාතන නඩුවේ වරදකරුට ජනාධිපති සමාවක් ලබාදීමට ගත් තීරණය වින්දිතයින්ගේ මූලික අයිතිවාසිකම් උල්ලංඝනය කර ඇති බැවින්, වන්දි ගෙවන ලෙස ශ්‍රේෂ්ඨාධිකරණය මෛත්‍රීපාල සිරිසේනට නියෝග කළේය.

අධිකරණ තීන්දුවෙන් මාසයක් ඇතුළත වන්දි මුදල පියවීමට හිටපු ජනාධිපති මෛත්‍රීපාල සිරිසේනට නියෝග කරන ලදී.

කෙසේවෙතත්, අද පෙරවරුවේ නඩුව විභාගයට ගත් අවස්ථාවේදී, වින්දිතයන් වෙනුවෙන් පෙනීසිටි නීතිඥවරයා අධිකරණයට දැනුම්දුන්නේ හිටපු ජනාධිපතිවරයා නියම කළ වන්දි මුදල පියවීමට අපොහොසත් වී ඇති බවයි.

ඒ අනුව අධිකරණය ඔහුට නොතීසි නිකුත් කිරීමට පියවර ගත්තේය.

2005 දී රාජගිරියේ රෝයල් පාර්ක් කොන්ඩෝමියම් සංකීර්ණයේදී ඉවෝන් ජොන්සන් ඝාතනය කිරීම සම්බන්ධයෙන් මරණ දඬුවම නියම වූ ජූඩ් ශ්‍රමන්ත ජයමහට ජනාධිපති සමාව ලබා දීම සම්බන්ධයෙන් නඩුවක් ගොනුකර ඇත.

හිටපු ජනාධිපති මෛත්‍රීපාල සිරිසේන මහතා 2019 දී ජූඩ් ශ්‍රමන්ත ජයමහට ජනාධිපති සමාව ලබා දී තිබිණි.

2024 ජුනි මාසයේදී, ආණ්ඩුක්‍රම ව්‍යවස්ථාව උල්ලංඝනය කරන බව පවසමින්, ජනාධිපති සමාව ලබාදීමට හිටපු ජනාධිපති මෛත්‍රීපාල සිරිසේන දුන් නියෝගය ශ්‍රේෂ්ඨාධිකරණය අවලංගු කළේය.