ගනේමුල්ල සංජීව’ ඝාතන නඩුවේ ප්‍රධාන සැකකාරියක වන ඉෂාරා සෙව්වන්දි සම්බන්ධයෙන් අසත්‍ය තොරතුරු ප්‍රචාරය කිරීම සම්බන්ධයෙන් අත්අඩංගුවට ගත් සැකකරුවෙකු මාර්තු 24 වැනි දින දක්වා රක්ෂිත බන්ධනාගාරගත කිරීමට කොළඹ මහේස්ත්‍රාත් අධිකරණය නියෝග කර තිබේ.

සෙව්වන්දි පිළිබඳ නොමඟ යවන සුළු තොරතුරු තම ජංගම දුරකථනය හරහා පොලිසියට ලබාදීමේ චෝදනාව මත කොළඹ අපරාධ කොට්ඨාශයේ (CCD) නිලධාරීන් විසින් දික්වැල්ල ප්‍රදේශයේ පදිංචිකරුවෙකු වන ලහිරු සම්පත් යන සැකකරු අධිකරණයට ඉදිරිපත් කරන ලදී.

සැකකරුගේ ක්‍රියාවන් මෙම නඩුවේ සිදුවෙමින් පවතින විමර්ශනයට බාධාවක් වී ඇති බව CCD අධිකරණයට දැනුම්දුන්නේය.

කරුණු සළකා බැලීමෙන් පසු, කොළඹ අතිරේක මහේස්ත්‍රාත් හර්ෂණ කැකුණවල සැකකරු මාර්තු 24 වැනි දින දක්වා රක්ෂිත බන්ධනාගාරගත කිරීමට නියෝග කළ බව කරයි.

කුප්‍රකට පාතාල කල්ලි නායක සංජීව කුමාර සමරරත්න හෙවත් ‘ගනේමුල්ල සංජීව’ ඝාතනයට සම්බන්ධ වී අත්අඩංගුවට ගැනීම මඟහරිමින් සිටින ඉෂාරා සෙව්වන්දි නැමති කාන්තා සහකාරිය අත්අඩංගුවට ගැනීමට හේතු වන නිවැරදි තොරතුරු සපයන ඕනෑම අයකුට රුපියල් මිලියන 1.2 ක ත්‍යාගයක් ලබාදෙන බව පොලිස් මූලස්ථානය ප්‍රකාශයට පත්කර තිබේ.

කුප්‍රකට පාතාල කල්ලි නායක සංජීව කුමාර සමරරත්න 2025 පෙබරවාරි 19 වන දින අලුත්කඩේ අධිකරණ සංකීර්ණය තුළ අංක 05 මහේස්ත්‍රාත් අධිකරණයේදී වෙඩිතබා ඝාතනය කරන ලදී.