මිනිස් පරිභෝජනයට නුසුදුසු පොල්තෙල් ලීටර් 15,000 කට අධික ප්‍රමාණයක් ළඟතබා ගැනීම සහ ප්‍රවාහනය කිරීම සම්බන්ධයෙන් සැකකරුවන් දෙදෙනකු පොළොන්නරුවේදී අත්අඩංගුවට ගෙන තිබේ.

පොළොන්නරුව මහජන සෞඛ්‍ය පරීක්ෂක කාර්යාලයේ සහ පොලිස් විශේෂ කාර්ය බලකායේ නිලධාරීන් ඊයේ රාත්‍රියේ සිදුකළ ඒකාබද්ධ වැටළීමකදී කර්මන්තපුරය ප්‍රදේශයේදී සැකකරුවන් අත්අඩංගුවට ගෙන ඇත.

ප්‍රමිතියෙන් තොර පොල්තෙල් ප්‍රවාහනය කිරීමේ චෝදනාව මත එක් සැකකරුවෙකු අත්අඩංගුවට ගත් අතර, අනෙක් සැකකරු භාණ්ඩ ළඟතබා ගැනීම සම්බන්ධයෙන් අත්අඩංගුවට ගෙන ඇත.

වයස අවුරුදු 41 සහ 51 වයස්වල පසුවන සැකකරුවන් පන්නල සහ සන්ධිවේලි ප්‍රදේශවල පදිංචිකරුවන් වේ.

ප්‍රමිතියෙන් තොර පොල්තෙල් ලීටර් 7,700 ක් සහිත වානේ බැරල් 35 ක්, පොල්තෙල් ලීටර් 7,920 ක් සහිත බැරල් 36 ක් සහ භාණ්ඩ ප්‍රවාහනය කිරීමට භාවිතා කළ ලොරි රථය වැටලීමේදී අත්අඩංගුවට ගෙන ඇත.

පොළොන්නරුව මහජන සෞඛ්‍ය පරීක්ෂක කාර්යාලය වැඩිදුර පරීක්ෂණ පවත්වයි.