පළාත් පාලන මැතිවරණය සඳහා නව දේශපාලන පක්ෂ ලියාපදිංචි කිරීමට දී තිබූ කාලය හමාරවීමට පෙර නාමයෝජනා කැඳවා තිබීමට එරෙහිව නඩු පැවරීමට විපක්ෂය තීන්දු කර ඇතැයි ‘දේශය’ වාර්තා කරයි.

මැතිවරණ කොමිසම මුලින් ප්‍රකාශ කර තිබුණේ පළාත් පාලන ඡන්දය සඳහා නව දේශපාලන පක්ෂ ලියාපදිංචිය මෙම මාර්තු මස 28 දා දක්වා කළ හැකි බවයි.

එසේ තිබියදී පළාත් පාලන ඡන්දයේ නාමයෝජනා භාරගැනීම මාර්තු මස 20 වැනිදා හමාර කිරීමෙන් මාර්තු 28 දක්වා නව දේශපාලන පක්ෂ ලියාපදිංචියට පුරවැසියන්ට ලබා දී තිබූ අවස්ථාව අහිමි කිරීම අසාධාරණ බව කියමින් මෙම නඩුව පැවරීමටත් ඊට අදාළව අතුරු තහනම් නියෝගයක් ලබාගැනීමටත් විපක්ෂයේ හිටපු ඇමැති රාජිත සේනාරත්න ප්‍රමුඛ ජ්‍යෙෂ්ඨයන් ගණනාවක් දැනටමත් සාකච්ඡා කර ඇතැයි වාර්තා වෙයි.

යම් හෙයකින් අධිකරණය මෙම ඉල්ලීම පිළිගතහොත් නැවත වරක් පළාත් පාලන ඡන්දය කල්යෑමට ඉඩ ඇති බවද දැනගන්නට ඇත.