March 6, 2025
රේගු නිෂ්කාශනය අතරතුර හයිබ්‍රිඩ් වාහන සඳහා ඉන්ධන බද්දක් පනවා ඇති බවට පැතිර යන අසත්‍ය තොරතුරු ප්‍රතික්ෂේප කරන බව ශ්‍රී ලංකා රේගුව පවසයි.
රේගුව පවසන්නේ, හයිබ්‍රිඩ් වාහන වර්ග දෙකක් තිබෙන බවයි.
“බැටරිය ආරෝපණය කිරීම සඳහා පමණක් ඉන්ධන දහනය කරන, වායුසමීකරණය ඇතුළු වාහනයේ විදුලි උපාංග පමණක් බලගන්වන දෙමුහුන් වාහන වර්ග සඳහා ඉන්ධන බද්ද යටතේ බදු අය කෙරෙනවා.” යැයි රේගු අතිරේක අධ්‍යක්ෂ ජනරාල් සහ මාධ්‍ය ප්‍රකාශක සීවලී අරුක්ගොඩ පවසයි.
මෙම වාහනවල උපමාදිලිය විදුලි වාහන වර්ගීකරණයේ ‘වෙනත්’ කාණ්ඩයට අයත් වේ.
දෙවන ප්‍රභේදය ඉන්ධන ලෙස පෙට්‍රල් හෝ ඩීසල් භාවිතා කරන වාහන වලින් සමන්විත වන අතර රෝද කරකැවීමට බැටරි බලයද ඇත. මේවාට දෙමුහුන් බද්ද යටතේ බදු අයකෙරෙන බවද ඔහු පැහැදිලි කරයි.
“අපි මෙම වාහන සඳහා නිවැරදි බද්ද පනවා ඇති අතර දැනටමත් ඒවා ආනයනය කර ඇති අය බදු ගැන කරදර විය යුතු නැහැ. බදු පැනවීම පිළිබඳව රේගුව දැනුවත් නමුත් ජනතාව තම වාහන තෝරාගැනීමේදී දෙමුහුන් තාක්ෂණය වැරදි ලෙස වටහාගෙන තිබෙනවා” යනුවෙන් ද ඔහු පැවසීය.
මේ අතර, වාහන ආනයනකරුවන්ගේ සංගමයේ සභාපති ඉන්දික සම්පත් මෙරෙන්චිගේ කියා සිටියේ රේගු දෙපාර්තමේන්තුව දෙමුහුන් බද්දට අදාළ HS කේතයන් නිර්වචනය කර නොමැති බවයි.
42.31%
17.27%
32.76%
