ශ්‍රී ලංකා රේගුව, බහාලුම් තුළ නීතිවිරෝධී ලෙස ජාවාරම් කරන ලද භාණ්ඩ හඳුනාගැනීම සඳහා කෘත්‍රිම බුද්ධි (AI) තාක්ෂණය සහිත උපකරණ භාවිත කිරීමේ හැකියාව පිළිබඳව සොයාබලමින් සිටින බව රේගු මාධ්‍ය ප්‍රකාශක සහ අතිරේක අධ්‍යක්ෂ සීවලි අරුක්ගොඩ පවසයි.

නීතිවිරෝධී භාණ්ඩ හඳුනාගැනීම සඳහා රේගු දෙපාර්තමේන්තුව AI ස්කෑනර් හෝ එක්ස් කිරණ යන්ත්‍ර ලබාගැනීම සඳහා සළකා බලමින් සිටින බව මාධ්‍ය ප්‍රකාශක සීවලි අරුක්ගොඩ සඳහන් කරයි.

එවැනි උපකරණ නිෂ්පාදකයන් සමඟ දැනටමත් සාකච්ඡා ආරම්භ කර ඇති බව ඔහු තවදුරටත් පවසයි.

මේ අතර, 2018, 2022 සහ 2024 දී විදේශයන්ගෙන් නීතිවිරෝධී ලෙස ජාවාරම් කරන ලද රුපියල් බිලියන 1.2 ක් වටිනා සිගරට් කූරු මිලියන 8.7 කට අධික සංඛ්‍යාවක් අද විනාශ කරන ලදී.

නීතිවිරෝධී සිගරට් තොග ශ්‍රී ලංකා රේගුව විසින් අත්අඩංගුවට ගෙන බහාලුම් තුනක ගබඩා කර තිබිණි.

මෙම තොගය අද කොළඹ පිහිටි එහි ප්‍රධාන කාර්යාලයේදී විනාශ කිරීම සඳහා ලංකා දුම්කොළ සමාගමට භාරදෙන ලදී.