තායිලන්තයෙන් සහ ජපානයෙන් වාහන රැගත් නැව් මේ සතියේ හම්බන්තොට වරායට පැමිණීමට නියමිත බව ශ්‍රී ලංකා වාහන ආනයනකරුවන්ගේ සංගමය පවසයි.

ජනමාධ්‍ය අමතමින් එම සංගමයේ සභාපති ප්‍රසාද් මානගේ පැවසුවේ, ඩබල් කැබ් රථ රැගත් තායිලන්තයේ සිට පැමිණෙන නැවක් හෙට (පෙබරවාරි 26) හම්බන්තොට වරායට ළඟාවන බවයි.

ජපානයෙන් විවිධ වාහන රැගත් තවත් නැවක් බ්‍රහස්පතින්දා (පෙබරවාරි 27) පැමිණෙන බව ඔහු තවදුරටත් පැවසීය.

වාහන මිල ගණන් පිළිබඳ ප්‍රශ්නවලට පිළිතුරු දෙමින් ඔහු පැවසුවේ, ඩබල් කැබ් රථ සඳහා රුපියල් මිලියන 24 සිට රුපියල් මිලියන 25.5 දක්වා මිලක් අපේක්ෂා කරන බවයි.

වැගන් ආර් වැනි ජපානයෙන් වාහන රුපියල් මිලියන 6ක් හෝ රුපියල් මිලියන 6.5 කට ලබාගත හැකි බව ඔහු තවදුරටත් පැවසීය.

2018 සහ 2019 දී භාවිත කළ වාහන හා සසඳන විට මිලෙහි සැලකිය යුතු අඩුවීමක් ඇති බව පෙන්වා දෙමින්, මහජනතාවට අඩු මිලකට අලුත්ම වාහන මිලදී ගැනීමට හැකිවනු ඇතැයි ඔහු පැවසීය.

ලබන සතියේ සිට මෝටර් රථ අලෙවිකරුවන් වෙතින් නව වාහන දැකගැනීමට පාරිභෝගිකයන්ට හැකි වනු ඇතැයි සභාපතිවරයා බලාපොරොත්තු පළකළේය.