ගණේමුල්ල ප්‍රදේශයේ වෙළඳසැලක මුදල් අයකැමියෙකුගෙන් විදේශීය යුවළක් රුපියල් 40,000 කට ආසන්න මුදලක් සොරකම් කර තිබේ.

සිද්ධියේ සීසීටීවී දර්ශනවලින් පෙනීයන්නේ විදේශිකයන් වෙළඳසැලේ මුදල් අයකැමි සමඟ දේශීය මුදල් නෝට්ටු පිළිබඳව සංවාදයක යෙදෙන ආකාරයයි.

පිරිමි සැකකරු මුදල් ලාච්චුවට අත තබාගෙන සිට, මුදල් අයකැමි සමඟ සාකච්ඡා කරමින් සිටියදී රහසේ මුදල් ගෙන සාක්කුවේ දමා ගන්නා ආකාරය දක්නට ලැබේ.

වෙළඳසැලේ හිමිකරු පසුව දවසේ ගිණුම් කටයුතු සිදුකරන අතරතුර මුදල් අතුරුදහන් වී ඇති බව සොයාගෙන තිබිණි.