February 16, 2025
රුපියල් මිලියන 360 ක් පමණ වටිනා ‘හෂීෂ්’ තොගයක් සමඟ විදේශීය කාන්තාවක් කටුනායක ගුවන්තොටුපළේදී අත්අඩංගුවට ගෙන තිබේ.
36 හැවිරිදි කැනේඩියානු කාන්තාව ඊයේ රාත්‍රියේ කැනඩාවේ ටොරොන්ටෝ සිට පැමිණි විට රේගු මත්ද්‍රව්‍ය පාලන අංශයේ නිලධාරීන් විසින් අත්අඩංගුවට ගෙන ඇත.
ශ්‍රී ලංකා රේගුවට ලැබුණු අන්තර්ජාතික බුද්ධි තොරතුරකට අනුව ඇය අත්අඩංගුවට ගෙන තිබේ.
සැකකාරිය මත්ද්‍රව්‍යවලට ඇබ්බැහිවූවකු බව වාර්තා වේ.
ඇය රැගෙන ආ ගමන් මලු දෙකක ඇඳ ඇතිරිලි කිහිපයක් අතර සඟවා තිබූ ‘හෂීෂ්’ කිලෝග්‍රෑම් 36.5ක් රේගු නිලධාරීන් විසින් සොයාගෙන ඇත.
මෙම මත්ද්‍රව්‍ය වෙනත් රටකට නැවත රැගෙන යෑමට අදහස් කරන බවට නිලධාරීන් සැකකරයි.
වැඩිදුර පරීක්ෂණ සඳහා කැනේඩියානු කාන්තාව සහ මත්ද්‍රව්‍ය පොලිස් මත්ද්‍රව්‍ය කාර්යාංශයට භාරදී ඇත.
