February 10, 2025
ශ්‍රී ලංකාවේ දිමුත් කරුණාරත්න ඊයේ(ඉරිදා) පැවසුවේ ඔහුගේ 100 වන සහ අවසන් ටෙස්ට් තරගය ඕස්ට්‍රේලියාවට පරාජය වීමෙන් පසු “ඉතා හැඟීම්බර දිනයක්” වූ බවයි.
ගාල්ලේ සිව්වැනි දිනයේ දිවා ආහාරයට පෙර ඕස්ට්‍රේලියාව කඩුලු නවයක ජයග්‍රහණයක් සහ තරගාවලියක් ජය ගනිමින් තරගය අවසන් කළද, තරගයේ අවසන් පන්දු කිහිපය පන්දු යැවීමේ ගෞරවය ප්‍රවීණ ආරම්භක පිතිකරු කරුණාරත්නට හිමිවිය.
“එය දිගු වෘත්තීය ජීවිතයක් – මගේ පවුලේ අය සහ මිතුරන්ගෙන් පසුව, මම මගේ කණ්ඩායමේ සාමාජිකයන් සමඟ වැඩි කාලයක් ගත කළා” ඔහු පැවැසීය.
“මම ඔවුන් හැර යනවා, නමුත් මේ කණ්ඩායම සැමවිටම මගේ හදවතේ පවතිනවා”
36 හැවිරිදි හිටපු නායකයා දශකයකට වැඩි කාලයක් ශ්‍රී ලංකා කණ්ඩායමේ ඉහළම ස්ථානයේ සිටි, අවසන් ටෙස්ට් ඉනිම් 25දී ඔහුට ශතකයක් ලබාගැනීමට නොහැකි විය.
ගාල්ලේ පැවැති දෙවැනි ටෙස්ට් තරගයට පෙර ඔහු නිවේදනය කර තිබුණේ එම තරගයෙන් පසු ඔහු සමුගන්නා බවයි.
“මම මගේ ක්‍රිකට් ක්‍රීඩාව ආරම්භ කරන විට, මට අවශ්‍ය වූයේ තවත් එක් ටෙස්ට් තරගයක් පමණයි. නමුත් ටෙස්ට් 100 ක් ක්‍රීඩා කිරීම පුදුම සහගතයි” මෙතරම් කාලයක් ක්‍රිකට් ක්‍රීඩා කිරීම වරප්‍රසාදයක්”
ඔහුගේ සන්සුන්භාවය සහ මිත්‍රශීලී ස්වභාවය නිසා ප්‍රසිද්ධ කරුණාරත්න තමා දක්ෂ නායකයකු බවද ඔප්පු කර ඇත.
2019 දී කැළඹිලි සහිත කාලයකදී කණ්ඩායමේ නායකත්වය භාරගනිමින්, ඔහු ශ්‍රී ලංකාව දකුණු අප්‍රිකාවේදී ඓතිහාසික තරගමාලා ජයග්‍රහණයක් කරා ගෙන ගියේය.
අද දක්වාම, දකුණු අප්‍රිකනු කණ්ඩායම ඔවුන්ගේම රටේදී පරාජය කළ එකම ආසියානු කණ්ඩායම ශ්‍රී ලංකාව ලෙස එම වාර්තාව පවතී.
තරුණ ක්‍රිකට් ක්‍රීඩකයන්ට නායකත්වය දීමට කාලය පැමිණ ඇති බව පවසමින් කරුණාරත්න 2023 දී නායකත්වය අත්හැරියේය.
“ප්‍රීතිමත් මතකයන් රාශියක්” සහිත ක්‍රීඩා දිවියකින් පසු ඔහුට දැන් තම පවුලේ අය සමඟ කාලය ගතකිරීමට සහ පුහුණුකරු තනතුරට යෑමට අවශ්‍ය බව පැවැසීය.
“මම පුහුණුකරු තනතුරක් භාර ගැනීමට අදහස් කරනවා” ඔහු සඳහන් කළේය.
“මට ඒ සඳහා සුදුසුකම් ලැබීමට අවශ්‍යයි … මම ලංකාවේ හෝ විදේශ රටකදී ඒ සංදහා පුහුණුවීම් ආරම්භ කරනවා” ඔහු වැඩිදුරටත් සඳහන් කළේය.
