බණ්ඩාරනායක අන්තර්ජාතික ගුවන් තොටුපළෙහි ප්‍රවේශ ශාලාව ප්‍රතිනිර්මාණයකට ලක් කිරීමට සැලසුම් කර තිබේ.

ශ්‍රී ලංකාවට පැමිණෙන සංචාරකයන් සංඛ්‍යාව වැඩිකිරීම සහ ගුවන් මගීන් සඳහා වඩාත් සුවපහසු අත්දැකීමක් ලබාදීම එහි අරමුණයි.

ඒ අනුව එහි සිදුකිරීමට අපේක්ෂිත ප්‍රධාන වෙනස්කම් :

1. තදබදය අවම කිරීම සඳහා ATM යන්ත්‍ර නැවත ස්ථානගත කිරීම සහ වැඩිකිරීම.

2. වඩාත් ඉඩකඩ සහිත සහ පිළිගැනීමේ පරිසරයක් නිර්මාණය කිරීම සඳහා පැමිණීමේ ප්‍රවේශ ශාලා ප්‍රදේශය පුළුල් කිරීම.

3. පැමිණෙන සංචාරකයන්ට සහාය වීම සඳහා මධ්‍යම සංචාරක තොරතුරු කවුළුවක් පිහිටුවීම.

ගුවන් තොටුපොළ සහ ගුවන් සේවා සමාගම විසින් සංචාරකයන්ගේ පැමිණීමේ ස්ථාවර වර්ධනයට ප්‍රතිචාර වශයෙන් මෙම වෙනස්කම් ආරම්භ කර ඇත.

ඒ සම්බන්ධයෙන් අදහස් දක්වමින් ගුවන් තොටුපොළ සහ ගුවන් සේවා සමාගමේ සභාපති එයාර් චීෆ් මාර්ෂල් (විශ්‍රාමික) හර්ෂ අබේවික්‍රම මෙසේ පවසා ඇත. ”විශේෂයෙන් 2024 අවසන් කාර්තුවේදී ශ්‍රී ලංකාවට සංචාරක පැමිණීම්වල සැලකිය යුතු වැඩිවීමක් අපි නිරීක්ෂණය කළා. එම වේගය 2025 දක්වා අඛණ්ඩව පවතිනවා. 2025 ජනවාරි මාසයේදී දෛනික සංචාරක පැමිණීම් 8,150 ක් පමණ වූ අතර එය 2024 ජනවාරි මාසයේ වාර්තා වූ දෛනික පැමිණීම් 6,700 ට සාපේක්ෂව 23% ක වැඩිවීමක් පෙන්නුම් කරනවා.”

කෙසේවෙතත්, වර්තමාන පැමිණීමේ ශාලාවේ ප්‍රමාණවත් ස්වයංක්‍රීය ටෙලර් යන්ත්‍ර නොමැතිකම සහ සීමිත ඉඩකඩ හේතුවෙන් තදබදයට හේතු වී තිබෙනවා. ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍ය බිමල් රත්නායක මෙහි නිරීක්ෂණයකට පැමිණීමෙන් පසුව, වැඩිවන මගීන් සංඛ්‍යාවට වඩා හොඳින් රැඳීසිටීම සඳහා පැමිණීමේ ;ශලාව ප්‍රතිනිර්මාණය කර පුළුල් කිරීමට අපි තීරණය කළා. මෙම ප්‍රතිනිර්මාණය තුළ රැඳී සිටීමේ කාලය අඩුකිරීම සඳහා ATM යන්ත්‍ර සංඛ්‍යාව වැඩිකිරීම සහ ශ්‍රී ලංකා සංචාරක සංචාරක තොරතුරු කවුන්ටරය කේන්ද්‍රීය ස්ථානයකට ගෙනයෑම, සංචාරකයන් පැමිණීමෙන් පසු උණුසුම් ලෙස පිළිගැනීම සහ සහාය වීම සහතික කිරීම ඇතුළත් වනවා.”