77 වන නිදහස් දින සැමරුමට අදාළ ඇතැම් විධිවිධාන සංශෝධනය කරමින් රාජ්‍ය පරිපාලන, පළාත් සභා සහ පළාත් පාලන අමාත්‍යාංශය 01/2025 චක්‍රලේඛය නිකුත් කර ඇත.

ජනවාරි මාසයේ නිකුත් කරන ලද පෙර චක්‍රලේඛයකින් සියලුම රජයේ ආයතන පෙබරවාරි 1 සිට පෙබරවාරි 7 දක්වා ජාතික කොඩිය එසවිය යුතු බවත්, පෙබරවාරි 3 සහ 4 යන දිනවල ඔවුන්ගේ ගොඩනැගිලි ආලෝකමත් කළ යුතු බවත් උපදෙස් දී තිබිණි.

කෙසේවෙතත්, විදුලි සංරක්ෂණය සහ පිරිවැය කළමනාකරණය පිළිබඳ ඉදිරිපත් කර ඇති ගැටළු සැළකිල්ලට ගනිමින්, රාජ්‍ය ආයතනවල ගොඩනැගිලි එළිමහන් විදුලි පහන්වලින් සරසාගත යුතු බවට වූ නියෝගය අවලංගු කිරීමට අමාත්‍යාංශය තීරණය කර ඇත.

මෙම කාරණය සම්බන්ධයෙන් විවිධ අදහස් සහ යෝජනා සළකා බැලීමෙන් පසුව මෙම තීරණය ගෙන ඇත.