February 2, 2025
තම කණ්ඩායම ඊයේ ගාල්ලේදී ලැබූ දරුණු පරාජයට වගකිව යුත්තේ පිතිකරුවන් බව ශ්‍රී ලංකා කණ්ඩායමේ ප්‍රධාන පුහුණුකරු සනත් ජයසූරිය පවසයි.
ගාල්ලේදී ඕස්ට්‍රේලියාවට ඉනිමකින් සහ ලකුණු 242 කින් පරාජය වීමෙන් පසුව පිතිකරුවන් ‘වගකීම් විරහිත’ බව සනත් ප්‍රකාශ කළේය.
තරගයෙන් පසු පැවැති ජනමාධ්‍ය හමුවකදී අදහස් දක්වමින්, ජයසූරිය අවධාරණය කරනු ලැබුවේ, පිතිකරණ දස්කම් පිළිබඳව කලකිරීමට පත්වන අතර, ක්‍රීඩකයන්ගෙන් වැඩි මානසික ඔරොත්තු දීමේ හැකියාවක් බලාපොරොත්තු ව්‍ එන බවයි.
“මෙම කඩුල්ල එතරම් අපහසු නැහැ. ක්‍රීඩකයින් පීඩනය හසුරුවන ආකාරය සහ විශ්වාසයෙන් පිතිකරණය කරන ආකාරය ඉගෙන ගත යුතුයි. ටෙස්ට් ක්‍රිකට් ක්‍රීඩාව විවිධ තත්වයන් සමඟ ක්‍රීඩා කළයුතු දෙයක්. මෙම අවස්ථා ඵලදායී ලෙස කළමනාකරණය කිරීම ඉතා වැදගත්. අපට ශක්තිමත් පිතිකරණ පෙළගැස්මක් තිබෙනවා. නමුත් අපි අද හොඳින් ක්‍රීඩා කළේ නැහැ. පිතිකරුවන් ලබාගන්නා ආරම්භයන් විශාල ඉනිමක් බවට පරිවර්තනය කළ යුතුයි” සනත් පැවැසීය.
ශ්‍රී ලංකාව ඊයේ ටෙස්ට් ක්‍රිකට් ඉතිහාසයේ ඔවුන්ගේ දරුණුතම පරාජයට මුහුණ දුන් අතර, ඕස්ට්‍රේලියාව ඉනිමකින් සහ ලකුණු 242 කින් ජයග්‍රහණයක් ලබාගැනීමට සමත්විය.
ඒ අනුව ඕස්ට්‍රේලියාව තරග දෙකකින් යුත් තරගාවලියේදී 1-0 ක් ලෙස පෙරමුණ ගත්තේය.
