ජනසෙත පෙරමුණේ නායක, බත්තරමුල්ලේ සීලරතන හිමියන්, පවතින සහල් හිඟයට පිළියම් යෙදීම සඳහා රජයට ක්‍රියාත්මක කළ යුතු විසඳුමක් යෝජනා කර ඇත.

එනම් අවම වශයෙන් දිනකට එක් ආහාර වේලක්වත් කොස් ඇට අනුභව කරන ලෙස ජනතාවගෙන් ඉල්ලා සිටීම ය.

ජනමාධ්‍ය හමුවක් අමතමින්, සීලරතන හිමියන් පෙන්වාදුන්නේ, මරණ දඬුවම නියමවූවන් ඇතුළු සැළකිව යුතු පිරිසක් බන්ධනාගාර තුළ සිටින බවයි.

බන්ධනාගාර රැඳවියන් බදු ගෙවන්නන්ගේ අරමුදල්වලින් රඳවා තබා ඇති බවත්, රජයේ වියදමින් ඔවුන් පෝෂණය කරන බවත් උන්වහන්සේ සඳහන් කළහ.

කොස් ඇටයක් අල්ලාගෙන සිටි උන්වහන්සේ වැඩිදුරටත් යෝජනා කළේ, රජය මුලින්ම දිනකට අවම වශයෙන් එක් ආහාර වේලක් සඳහා බත් වෙනුවට බන්ධනාගාර රැඳවියන්ට කොස් ඇට ලබාදිය යුතු බවයි.

මෙම යෝජනාව පසුව මහජනතාවට ද අදාළ වන පරිදි පුළුල් කළ හැකි බව උන්වහන්සේ යෝජනා කළහ.