January 31, 2025
මවට පහරදී ඇගේ ගෙළ බැඳි රන් මාලය කොල්ල කෑ පුතුන් දෙදෙකු සාලියවැව පොලීසියේ නිලධාරීන් පෙරේදා (29) අත්අඩංගුවට ගෙන ඇත.
වයස අවුරුදු 25 සහ 21 යන වයස්වල පසුවන එම සැකකරුවන් දෙදෙනා සාලියවැව, නීලබැම්ම ව්‍යාපාරයේ පදිංචිකරුවන්ය.
දරුවන් දෙදෙනාම විවාහකයන් බව පොලිසිය කියයි.
පසුගිය 28 වැනිදා සවස සිය වැඩිමහල් පුතාගේ නිවෙසට ගොස් ඇති මව, ඇය ඉදිකළ කඩ කාමරයේ යතුර ඉල්ලා ඇති බව පොලීසිය කියයි.
එහිදී පුතුන් දෙදෙනා යතුර ලබාදීම ප්‍රතික්ෂේප කරමින් තමාට පහරදී රන් මාලය කඩාගත් බවට මව පැමිණිල්ලක් කළ බව පොලිසිය සඳහන් කරයි.
ඒ සම්බන්ධයෙන් විමර්ශනයක් පවත්වා රුපියල් ලක්ෂ 3ක් පමණ වටිනා එම රන් මාලය ද සොයාගනිමින් පුතුන් දෙදෙනාව අත්අඩංගුවට ගත් බව සාලියවැව පොලිසිය වැඩිදුරටත් පවසයි.
