බණ්ඩාරගම, මිල්ලගස්හන්දිය ප්‍රදේශයේදී නීතිවිරෝධී මත්පැන් ලීටර් 337.5 ක් ළඟ තබාගැනීම සහ ප්‍රවාහනය කිරීම සම්බන්ධයෙන් යුවළක් අත්අඩංගුවට ගෙන තිබේ.

ඩබල් කැබ් රථයකින් නීතිවිරෝධී මත්පැන් තොගය ප්‍රවාහනය කරමින් සිටියදී යුවළ අත්අඩංගුවට ගෙන ඇති බව පොලිසිය පවසයි.

නීතිවිරෝධී මත්පැන් ව්‍යාපාරය සඳහා භාවිත කළ බවට සැකකෙරෙන රුපියල් 121,298 ක මුදල් ද සැකකරුවන් සතුව තිබී පොලිසිය විසින් සොයාගෙන තිබේ.

අත්අඩංගුවට ගත් සැකකරුවන් කිදෙල්පිටියේ පදිංචි 56 හැවිරිදි පිරිමියෙකු සහ 43 හැවිරිදි කාන්තාවක් වේ.

බණ්ඩාරගම පොලිසිය පරීක්ෂණ පවත්වයි.