January 21, 2025
ලොව බලවත්ම රාජ්‍යය වන අමෙරිකා එක්සත් ජනපදයේ ජනාධිපතිවරයා ලෙස ඩොනල්ඩ් ට්‍රප්ම් ඊයේ රාත්‍රියේ දිවුරුම් දුන්නේය.
ඒ අනුව ඔහු ඉතිහාසගත වන්නේ අමෙරිකාවේ 47 වැනි ජනාධිපතිවරයා ලෙසයි.
එමෙන්ම ට්‍රප්ම් අමෙරිකාවේ ජනාධිපති ධූරයේ දිවුරුම්දුන් දෙවැනි අවස්ථාව ද එයයි.
වොෂිංටනයට බලපා ඇති දැඩි ශීත කාලගුණය හේතුවෙන් කැපිටල් ගොඩනැගිල්ලේ Arena පරිශ්‍රය තුළ දිවුරුම්දීමේ උත්සවය පැවැත්වුණු අතර, අමෙරිකානු ජනාධිපතිවරයකු ගෘහස්ථ ස්ථානයක එවැනි පදවි ප්‍රාප්තියක් පැවැත්වූයේ වසර 40 කින් අනතුරුව පළමුවරට වීම විශේෂත්වයකි.
මෙම අවස්ථාව සඳහා ට්‍රම්ප්ගේ බිරිඳ වන මෙලේනියා ට්‍රප්ම් ඇතුළු පවුලේ සාමාජිකයන් මෙන්ම ලොව ධනවත්ම පුද්ගලයගේ ලැයිස්තුවේ පෙරමුණේ පසුවන එලෝන් මස්ක්, ජෙෆ් බේසොස් මෙන්ම මාර්ක් සකර්බර්ග් ඇතුළු තවත් ව්‍යාපාරිකයන් රැසක් මෙන්ම රාජ්‍යතාන්ත්‍රිකයන් රැසක් ද සහභාගී වී සිටිනු දක්නට ලැබිණි.
එමෙන්ම අමෙරිකාවේ නව රජයේ උප ජනාධිපතිවරයා ලෙස ජේ. සී. වෑන්ස් දිවුරුම් දුන්නේය.
පදවි ප්‍රාප්තියෙන් පසුව එළඹෙන පැය කිහිපයේදී ඩොනල්ඩ් ට්‍රප්ම් එක්සත් ජනපද-මෙක්සිකෝ දේශසීමාවේ ජාතික හදිසි අවස්ථාවක් ප්‍රකාශයට පත්කිරීමට, මත්ද්‍රව්‍ය ජාවාරම්කරුවන් ත්‍රස්තවාදීන් ලෙස ප්‍රකාශ කිරීමට සහ තවත් ප්‍රධාන පෙළේ විධායක නියෝග කිහිපයකට අත්සන් තැබීමට නියමිත බව වාර්තා වේ.
