කාත්තන්කුඩි සිට කොළඹ බලා ධාවනය වූ සුඛෝපභෝගී මගී බස් රථයක් සේරුනුවර -කන්තලේ මාර්ගයේ සේරුනුවර කල්ලාර් හමුදා කඳවුර වංගුව අසලදී මාර්ගයෙන් ඉවතට පැන ගසක ගැටීමෙන් අනතුරට ලක්ව තිබේ.

අද(20) අලුයම 12:15ට පමණ මෙම අනතුර සිදුව ඇත.

ප්‍රදේශයට බලපෑ අධික වර්ෂාපතනය හේතුවෙන් මෙම අනතුර සිදුව ඇති බවට සැක කෙරේ.

බස් රථයේ සිටි මගීන් 49 දෙනා අතරින් රියදුරු සහ කොන්දොස්තර ඇතුළුව පුද්ගලයන් 14 දෙනෙකු තුවාල ලබා ප්‍රතිකාර සඳහා සේරුනුවර රෝහලට ඇතුළත් කර තිබේ.

පසුව, රියදුරු සහ මගීන් නව දෙනෙකු වැඩිදුර වෛද්‍ය ප්‍රතිකාර සඳහා ත්‍රිකුණාමලය රෝහලට මාරු කර යවා ඇත.