January 17, 2025
බීබීසී ට්‍රැවල් සඟරාමය වැඩසටහනට අනුව ශ්‍රී ලංකාව 2025 වසරේ සංචාරය කිරීමට හොඳම ස්ථාන 25 අතරට පැමිණ තිබේ.
මෙම වසරේ සංචාරය කිරීමට හොඳම ස්ථාන සඳහා BBC සමාරම්භක මාර්ගෝපදේශය තුළ ශ්‍රී ලංකාව 09 වැනි ස්ථානයට පත්ව ඇත.
ශ්‍රී ලංකාව ගැන විස්තර කරන ජනමාධ්‍යවේදී ක්ලෙයාර් ටරල් පවසන්නේ, මීදුමෙන් වැසීගිය කඳු මුදුන්, තේ වතු, පුරාණ විහාරස්ථාන, වන අලි සහ සර්ෆින් ක්‍රීඩාව පවතින ශ්‍රී ලංකාව අවශ්‍ය සියල්ලෙන් සපිරුණු රටක් බවයි.
“දූපත් රාජ්‍යය සංචාරක ව්‍යාපාරය තුළින් නැවත දෙපයින් නැගීසිටීමට බලාපොරොත්තු වේ. මහනුවර නගරය එහි ප්‍රථම තරු හතේ හෝටලය වන Aviyana Private Chalets විවෘත කරනු ලබන අතර Aarunya Nature Resort හි රාත්‍රී අහස නැරඹීම සඳහාම පහසුකම් සලසා තිබේ”
”ඩොලර් බිලියන 1ක වටිනාකමකින් යුත් මහාපරිමාණ හෝටල් ව්‍යාපෘතියක් කොළඹ දී විවෘත වන අතර, යුරෝපය සහ ඕස්ට්‍රේලියාව දක්වා පියාසර කරන ශ්‍රී ලංකාවේ නව ගුවන් සේවය එයාර් සීලාඕ දියත් කෙරේ. තිරසාර භාවිතයන් අනුගමනය කර ඇති දේශීය ව්‍යාපාර මගින් මෙහෙයවන සංචාරකයන්ට හිතකර ව්‍යාපෘති රැසක් ද ශ්‍රී ලංකාව මෑතකදී දියත් කරන ලදී.”
“සිසිල් පරිසරය සොයන සංචාරකයන්ට එහි කඳුකර අභ්‍යන්තරයට ජනප්‍රිය දුම්රිය ගමනක් යෑමට හෝ දුම්රියෙන් කොළඹට සහ ගාල්ලට ද යෑමට සුන්දර ගමනාන්ත පවතී”
”මධ්‍යම කඳුකරයේ තේ වතු සහ ගම්මාන හරහා කඳු නගින්නන් රැගෙන යන කිලෝමීටර 300ක පීකෝ(Pekoe) මාර්ගය ද ශ්‍රී ලංකාව විසින් විවෘත කර ඇත.
වැඩි සංචාර සඳහා සංචාරකයන්ට නව්‍ය ආරම්භයක් මගින් දිවයින පුරා ටුක්-ටුක් ස්වයංක්‍රීයව ධාවනය කිරීමට ඉඩ සලසයි. එමගින්, මුදල් කෙලින්ම අයිතිකරු වෙත යයි, ”යැයි ක්ලෙයාර් ටරල් වැඩිදුරටත් පවසයි.
