January 12, 2025
ක්‍රීඩා ඇමැති සුනිල් කුමාර ගමගේ පසුගිය දිනෙක දියගම මහින්ද රාජපක්ෂ ක්‍රීඩා සංකීර්ණයේ සංචාරයක නිරතවිය.
මේ වන විට මෙම ක්‍රීඩා සංකීර්ණය පවතින්නේ ජරාජීර්ණ තත්ත්වයකය.
සංචාරය අතරතුර ඇමැතිවරයාට සහ එහි ගොස් සිටි ජනමාධ්‍යවේදීන්ට දැකගත හැකිවූ දසුනකින් ඔවුහු වික්ෂිප්ත වූහ.
ක්‍රීඩා සංකීර්ණයේ කැලෑවට ගොස් ඇති කොටසක මාර්ගයක් අයිනේ කන්ටේනර් පෙට්ටියක් දැකගත හැකිවිය.
එය විවෘත කර බලන විට ඒ තුළ වූයේ රුපියල් මිලියන ගණනක් වටිනා විදුලි ජනන යන්ත්‍රයකි.
මෙම ජෙනරේටරය භාවිතයට ගෙන ඇති බවක් පෙනෙන්නට නොතිබූ අතර, ක්‍රීඩා ඇමැතිවරයා ප්‍රකාශ කළේ එය මෙම ස්ථානයට ගෙනවිත් දැමූ දිනයක් හෝ එහි වටිනාකමක් පිළිබඳව තොරතුරු සොයාගත නොහැකි බවයි.
