December 18, 2024
එප්පාවල පොස්පේට් නිධිය භාවිත කරමින් සිංගල් සුපර් පොස්පේට් නිෂ්පාදනයට කර්මාන්ත හා ව්‍යවසායකත්ව සංවර්ධන අමාත්‍යාංශය සැලසුම් කර තිබේ.
දැනට පොස්පේට් නිධිය අමුද්‍රව්‍යක් ලෙස මෙරට පොහොර නිෂ්පාදකයන්ට ලබාදෙන බව එම අමාත්‍යාංශය සඳහන් කරයි.
වාර්ෂිකව ත්‍රිත්ව සුපර් පොස්පේට් ආනයනය සඳහා රජය වැය කරන මුදල රුපියල් බිලියන 8ක් පමණ වේ.
පොස්පේට් නිධිය ඵලදායීව භාවිත කිරීම තුළින් සිංගල් සුපර් පොස්පේට් රටතුළම නිෂ්පාදනයට අවස්ථාව උදාවන අතරම ඒවා ආනයනය මගින් ද ආදායමක් ලබා ගත හැකි බව අමාත්‍යාංශය පෙන්වාදෙයි.
ඒ අනුව ආයෝජකයකු හරහා ඒ සඳහා වැඩපිළිවෙළක් සකස් කිරීමට නියමිතය.
ඒ සඳහා කැබිනට් පත්‍රිකාවක් යොමුකර ඇති බව කර්මාන්ත හා ව්‍යවසායකත්ව සංවර්ධන අමාත්‍යාංශය සඳහන් කරයි.
එප්පාවල පොස්පේට් නිධිය අක්කර 500ක් පුරා විසිරි පවතී.
