ශ්‍රී ලංකාව සහ රුසියාව අතර සබඳතා මේ වන විට මූලික වශයෙන් මානුෂීය වන නමුත් සහයෝගීතාව සඳහා තවත් බොහෝ අවස්ථාව පවතින බව ශ්‍රී ලංකාවේ සහ මාලදිවයිනේ රුසියානු තානාපති Levan Dzhagaryan පවසයි.

ඔහු සඳහන් කරන්නේ රුසියානු ජනාධිපති ව්ලැඩිමීර් පුටින් නව රජය පිළිගනිමින් රුසියාවේ නිල සංචාරයක් සඳහා ජනාධිපති දිසානායක වෙත පණිවිඩයක් යොමුකරමින් ආරාධනා කළ බවයි.

“රුසියාව සහයෝගීතාවට සූදානම්. පන්දුව තිබෙන්නේ ශ්‍රී ලංකා පිටියේ” යනුවෙන් තානාපතිවරයා සඳහන් කර තිබේ.

තුනෙන් දෙකක බලයක් ලබා ගත් අනුර කුමාර දිසානායක ජනාධිපතිවරයාගේ අභිනවයෙන් තේරී පත් වූ රජයට රුසියාව සුබ පතන බව ද ඔහු සඳහන් කර ඇත.

ඔහු සිහිපත් කළේ BRICS සමුළුවට සහභාගී වීම සඳහා රුසියාවේ කසාන් වෙත පැමිණෙන ලෙස ජනාධිපති පුටින් ජනාධිපති දිසානායකට ආරාධනයක් කළ ද එම අවස්ථාවේ ඔහුට ඒ සඳහා සහභාගී වීමට නොහැකි වූ බවයි.

“අපි ජනාධිපතිතුමා සමඟ ඵලදායී සංවාදයක් පැවැත්වූවා. ඔහුගේ රජය සමබර හා ධනාත්මක ප්‍රතිපත්තියක් අනුගමනය කරනු ඇතැයි අපි බලාපොරොත්තු වනවා” යනුවෙන් ඔහු සඳහන් කර තිබේ.

කෙසේවෙතත්, අවංකව කිව යුත්තේ රුසියාවේ විනිශ්චය පදනම් වනු ඇත්තේ ප්‍රායෝගික ක්‍රියාවන් මත මිස සටන් පාඨ හෝ ප්‍රසන්න වචන මත නොවන බව ඔහු අවධාරණය කර ඇත.