December 11, 2024
යාපනයේ පැතිර යන හඳුනානොගත් උණ රෝගයෙන් මියගිය සංඛ්‍යාව 5 දක්වා ඉහළ ගොස් ඇති බව යාපනය ශික්ෂණ රෝහලේ අධ්‍යක්ෂ වෛද්‍ය ටී. සත්‍යමූර්ති පවසයි.
මෙලෙස මියගිය පුද්ගලයන් වයස අවුරුදු 20 ත් 65 ත් අතර වයස්වල පසුවන අතර, උණ සහ ශ්වසන සංකූලතා හේතුවෙන් මියගොස් ඇති බව පැවැසේ.
මෙම සිදුවීම් ලෙප්ටොස්පයිරෝසිස් (මී උණ) යැයි සැකකරන අතර, ඒ බව තහවුරු කිරීම සඳහා රුධිර සාම්පල කොළඹට යවා ඇත.
මීට පෙර මෙම රෝගී තත්ත්වය හේතුවෙන් මරණ 3ක් වාර්තා වූ අතර, ඊට හේතුව පිළිබඳව පරීක්ෂණ තීව්‍ර කිරීමට සෞඛ්‍ය බලධාරීන් පොළඹවා ඇත.
සෞඛ්‍ය අමාත්‍යාංශයේ වසංගත රෝග විද්‍යා අංශයට අනුව, රෝගය පාලනය කිරීමට සහ පීඩාවට පත්වූවන්ට ප්‍රතිකාර ලබාදීමට උත්සාහ කරමින් සිටී.
