December 10, 2024
ජනාධිපති නීතීඥ ෆයිසර් මුස්තාපා සිය ජාතික ලැයිස්තුවෙන් පාර්ලිමේන්තුවට පත්කිරීමට නව ප්‍රජාතන්ත්‍රවාදී පෙරමුණ නිල වශයෙන් තීරණය කර ඇති බව එම පක්ෂ ආරංචි මාර්ග පවසයි.
ෆයිසර් මුස්තාපා ජනමාධ්‍ය වෙත පවසා ඇත්තේ, පක්ෂයේ මෙම තීරණය පිළිබඳව තමාට දන්වා ඇති බවයි.
ජ්‍යෙෂ්ඨ නීතීඥයෙකු මෙන්ම දේශපාලනඥයකු වන මුස්තාපා මීට පෙර ක්‍රීඩා අමාත්‍යවරයා ලෙසත් පළාත් සභා සහ පළාත් පාලන අමාත්‍යවරයා ලෙසත් කටයුතු කර තිබේ.
ඔහු මීට පෙර පාර්ලිමේන්තුවේ ධූර කාලය තුළ සංචාරක නියෝජ්‍ය අමාත්‍යවරයා සහ පරිසර නියෝජ්‍ය අමාත්‍යවරයා ලෙස ද කටයුතු කළේය.
මහ මැතිවරණයේදී ගෑස් සිලින්ඩරය ලකුණින් තරග කළ නව ප්‍රජාතන්ත්‍රවාදී පෙරමුණ පාර්ලිමේන්තු මන්ත්‍රී ධුර තුනක් සහ ජාතික ලැයිස්තු මන්ත්‍රී ධුර දෙකක් හිමිකර ගත්තේය.
මීට පෙර රවී කරුණානායක නව ප්‍රජාතන්ත්‍රවාදී පෙරමුණේ ජාතික ලැයිස්තු මන්ත්‍රීවරයෙක් ලෙස පැමිණීම විශාල ආන්දෝලනයකට තුඩුදුන්නේය.
ඉතිරි ජාතික ලැයිස්තු මන්ත්‍රී ධුරය වෙනුවෙන් කංචන විජේසේකරගේ නමද යෝජනාවී තිබිණි.
