බහුතර කොටස් හිමි ජපාන Onomichi Dockyard සමාගම සිය සමාගමෙන් සහ කළමනාකාරීත්වයෙන් ඉවත් වන බවත් මූල්‍ය අර්බුදයක් මධ්‍යයේ නව ආයෝජකයකු සඳහා මග පාදා ඇති බවත් කොළඹ නැව් තටාකාංගන සමාගම පවසයි.

සමාගමේ නාමික අධ්‍යක්ෂවරුන් ලෙස කටයුතු කළ T Nakabe, K Kobatake සහ J Furukawa දෙසැම්බර් 06 වැනිදා සිට ක්‍රියාත්මක වන පරිදි ඉල්ලා අස්වී ඇති අතර 1993 වසරේ සිට සමාගමේ අධ්‍යක්ෂවරයකු වූ එල්. ගම්ලත් විධායක නොවන සභාපතිවරයා ලෙස පත් කර ඇති බව සමාගම සඳහන් කරයි.

Onomichi වෙනුවට වෙනත් ආයෝජකයකු සොයා ගැනීමේ තීරණාත්මක අවශ්‍යතාව පිළිබඳ අධ්‍යක්ෂ මණ්ඩලය අවධානය යොමුකර ඇතැයි ද ගොනු කිරීම පවසයි.

ඒ සඳහා පාර්ශව කිහිපයක් සමඟ මූලික සාකච්ඡා ද පැවැත්වෙමින් තිබෙන බව සමාගම කියයි.

සමාගම වෙනුවෙන් කැපවීමක් කිරීමට කැමති ඕනෑම උපායමාර්ගික ආයෝජකයකුට සිය කොටස් ලබා දී සමාගමේ ආයෝජනයෙන් ඉවත් වීමට සූදානම් බව Onomichi සමාගම අධ්‍යක්ෂ මණ්ඩලයට සහතික වී ඇත.

කොරෝනා සමයේ අර්බුද සහ යුරෝපීය පාරිභෝගිකයකුට යාත්‍රා ලබාදීමට අපොහොසත් වීමෙන් පසුව ඇති වූ මුදල් අර්බුදයෙන් කොළඹ නැව් තටාකාංගන සමාගම මූල්‍ය දුෂ්කරතාවන්ට මුහුණ දුන්නේය.

සමාගම මෑතක සඳහන් කළේ තමන් උපායමාර්ගික ආයෝජකයකු සොයන බවත් ප්‍රාග්ධනය මූල්‍යකරණය සඳහා ණය මාර්ග සඳහා බැංකු සමඟ සාකච්ඡා කරමින් සිටින බවත්ය.