පසුගිය බදාදා දින කොල්ලුපිටියේ සුපිරි හෝටලයකට යාබද නේවාසික ගොඩනැගිල්ලකින් පැන සියදිවි නසාගත් මානසික ව්‍යාකූල පුද්ගලයකු බේරාගැනීමට උත්සාහ කිරීමේදී පොලිසිය වැරදි ලෙස, පුහුණුවකින් තොරව කටයුතු කිරීම සමාජයේ විවේචනයට ලක්විය.

එක් රථවාහන පොලිස් නිලධාරියකු ඇතුළු නිලධාරීන් කලබලයට පත් පුද්ගලයා මහල් නිවාසයේ බැල්කනියේ සිටගෙන සිටියදී යාබද කාමරයේ සිට ඔහු සමඟ සම්බන්ධ වීමට උත්සාහ කරන අයුරු වීඩියෝ දර්ශනවලින් දැක්වේ.

තවත් නිලධාරියෙක් ඔහු පිටුපසින් අල්ලා ගැනීමට උත්සාහ කළ අතර, එම උත්සාහය අසාර්ථකවී අදාළ පුද්ගලයා බැල්කනියෙන් පැන්නේය.

මුළු සිද්ධියම අසල සිටි අයෙක් වීඩියෝගත කර ඇත.

එවැනි තත්ත්වයන් පාලනය කිරීම සඳහා විශේෂිත ඒකකයක සහාය ලබාගැනීමට පොලිසියට හැකියාව තිබූ බැවින්, එම තත්ත්වය සම්බන්ධයෙන් පොලිසිය කටයුතු කළ ආකාරය ප්‍රශ්නගත වී තිබේ.

කෙසේවෙතත්, එදිනම දකුණේ හික්කඩුව ප්‍රදේශයේදී පොලිස් ජීවිතාරක්ෂක නිලධාරීන් රුසියානු යුවලක් දිය පහරකින් මුහුදට ඇදගෙන යද්දී, දියේ ගිලීමෙන් බේරාගත් විට පොලිසියට ප්‍රශංසා හිමිවිය.

වෙරළේ සිට මීටර් 350 ක් පමණ දුරින් ඔවුන් ගිලෙමින් සිට ඇත.

පුහුණුව ලත් පොලිස් ජීවිතාරක්ෂක නිලධාරීහු ක්‍රියාත්මක වී යුවළ බේරා ගත්හ.

මෙම යුවළ තම ජීවිතය බේරාගැනීම ගැන පොලිසියට කෘතඥතාව පළකළ අතර, සිද්ධිය දුටු ගම්වාසීහු ද එසේ කළහ.