December 3, 2024
ජනාධිපති අනුර කුමාර දිසානායකගේ සහ අග්‍රාමාත්‍ය හරිනි අමරසුරියගේ මෑතකාලීන ක්‍රියාදාමයන් විශාල ප්‍රසිද්ධියක් ලබා ඇති බව සමගි ජන බලවේගයේ පාර්ලිමේන්තු මන්ත්‍රී නලින් බණ්ඩාර ජයමහ ප්‍රකාශ කරයි.
මන්ත්‍රීවරයා මේ බව සඳහන් කළේ, අගමැති අමරසූරිය තනිවම සුපිරි වෙළෙඳසැලකට පැමිණි බවට පළ වූ වාර්තාව සහ ජනාධිපතිවරයා ජනාධිපති ලේකම් කාර්යාලයේ සිට මුදල් අමාත්‍යාංශය දක්වා පා ගමනින් ගිය බවට පළ වූ වාර්තාව පිළිබඳව අදහස් දක්වමිනි.
“අගමැතිවරිය ප්‍රබෝධමත් විදිහට කටයුතු කරන්නේ රට බරපතල ස්වභාවික විපතකට ලක්ව ඇති අවස්ථාවකයි. ඇය තම කාලය කළමනාකරණය කිරීමට ඉගෙන ගත යුතුය. ඇයගේ විෂය පථය යටතේ ඇයගේ අවධානයට ලක්විය යුතු බොහෝ ආයතන තිබෙනවා. සංදර්ශනයක් දාලා කාලය නාස්ති කරනවාට වඩා ඇය මේවා ගැන අවධානය යොමුකළ යුතුයි.” මන්ත්‍රීවරයා පැවසීය.
“අගමැතිතුමියනි, අපට ඔබ වෙනුවෙන් සාප්පු සවාරි යන්න පුළුවන්,” ඔහු සැහැල්ලු ආකාරයෙන් පැවසීය.
“අනුර දිසානායක ජනාධිපතිතුමාගේ ක්‍රියාකලාපය ගැන මට තියෙන්නේ ඒ ප්‍රකාශයමයි. ඔහු පයින් ගොස් විශාල වැඩ කොටසක් කළ යුතු නැහැ.” හෙලිකොප්ටරයකින් වුවද කාලය කළමනාකරණය කර ගත යුතු බව මන්ත්‍රීවරයා පැවසීය.
එමෙන්ම, පසුගිය දා ඇති වූ ගංවතුර තත්ත්වය, දසවැනි පාර්ලිමේන්තුව උත්සවාකාරයෙන් විවෘත කිරීමේ අවස්ථාවේදී ජය මංගල ගාථා සජ්ජායනය නොකිරීමෙන් ඇති වූ අසුබ පෙර නිමිත්තක් විය හැකි බවද ඔහු පැවසීය.
ගංවතුරින් විපතට පත් ජනතාවට සහන සැලසීම සඳහා රජය වෙන් කර ඇති රුපියල් බිලියනයක මුදල කිසිසේත්ම ප්‍රමාණවත් නොවන බවද ඔහු කළේය.
නිසි සහන සැලසීමට අවම වශයෙන් රුපියල් බිලියන 20ක් අවශ්‍ය බව ඔහු පැවසීය.
