අම්පාරේ සිසුන් 5 දෙනෙකුගේ ඛේදනීය මරණ සම්බන්ධයෙන් අත්අඩංගුවට ගත් විදුහල්පතිවරයා සහ ගුරුවරයකු දෙසැම්බර් 2 දක්වා රක්ෂිත බන්ධනාගාරගත කිරීමට සමන්තුරේ වැඩබලන මහේස්ත්‍රාත්වරයා නියෝග කර තිබේ.

තවත් දෙදෙනකු ඇප මත මුදාහැර ඇත.

ගංවතුර තත්වය මධ්‍යයේ ට්‍රැක්ටරයකින් සිසුන් නිවෙස් වෙත ප්‍රවාහනය කරන ලෙස විදුහල්පතිවරයා උපදෙස් දී ඇති බව පොලිස් පරීක්ෂණවලදී අනාවරණය වී තිබේ.

අනතුරුදායක තත්ත්වය හේතුවෙන් එම මාර්ගය භාවිත නොකරන ලෙස හමුදාව අනතුරු අඟවා තිබූ බව වාර්තා වේ.

සිසුන් 11 දෙනකු රැගත් ට්‍රැක්ටරය දැඩි දිය පහරට හසුව පෙරළී තිබේ.

සිසුන් පස්දෙනෙකු බේරාගෙන ඇති අතර, පස්දෙනෙකු ඛේදජනක ලෙස දියේ ගිලී මියගිය අතර, එක් අයෙකු අතුරුදන්ව ඇත.

සැකකරුවන්ට නොසැළකිලිමත්කම සම්බන්ධයෙන් චෝදනා එල්ල කර ඇති අතර, වැඩිදුර විමර්ශන ක්‍රියාත්මක වේ.