පුර­ප්පාඩු වී ඇති අභි­යා­ච­නා­ධි­ක­රණ විනි­සුරු ධුර සඳහා ඉකුත් රජය කාල­යේදී විනි­සු­රු­වරු පත්නොකි­රී­මට එරෙ­හිව ගොනුකර ඇති මූලික අයි­ති­වා­සි­කම් පෙත්සමේ වග­උ­ත්ත­ර­ක­රු­වකු ලෙස හිටපු ජනා­ධි­පති රනිල් වික්‍ර­ම­සිංහ නම්කිරී­මට ශ්‍රේෂ්ඨා­ධි­ක­ර­ණය ඊයේ (27) අව­සර ලබාදුන්නේය.

එම පෙත්සම කැඳවූ අව­ස්ථා­වේදී පෙත්ස­ම්කාර පාර්ශ්වය වෙනු­වෙන් මෝස­මක් මඟින් කර ඇති ඉල්ලී­ම­කට අනුව මෙම අව­ස­රය දෙන ලදී.

ජනක් ද සිල්වා සහ මහින්ද සම­ය­ව­ර්ධන යන අයගෙන් සම­න්විත ශ්‍රේෂ්ඨා­ධි­ක­රණ විනි­සුරු මඬු­ල්ලක් හමුවේ මෙම පෙත්සම් කැඳ­වනු ලැබිණි.

පෙත්සමේ වග­උ­ත්ත­ර­ක­රු­වකු ලෙස හිටපු ජනා­ධි­පති රනිල් වික්‍ර­ම­සිංහ නම්කර­මින් මෝස­මක් ගොනු කරඇති බව පෙත්ස­ම්කාර පාර්ශ්වයේ නීති­ඥ­ව­රයා විසින් අධි­ක­ර­ණ­යට දැනුම්දුන්නේය.

එම මෝස­මට අව­සර ලබා­දෙන ලෙස ඔහු අධි­ක­ර­ණ­යෙන් ඉල්ලා සිටි­යේය.

ඊට අව­සර ලබාදුන් විනි­සුරු මඬුල්ල පෙත්සම සම්බ­න්ධ­යෙන් වන විරෝ­ධතා ගොනුකිරී­මට වග­උ­ත්ත­ර­කාර රනිල් වික්‍ර­ම­සිංහට සති හත­රක කාල­යක් ලබාදුන්නේය.

මාර්තු මස 10 වැනිදා පෙත්සම විභා­ගය සඳහා කැඳ­වී­මට නියම කරන ලදී.

ජනා­ධි­පති නීති­ඥ­ව­ර­යකු වන සේනක වල්ග­ම්පාය විසින් මෙම පෙත්සම ඉදි­රි­පත් කර තිබිණි.

ඉකුත් වසරේ නොවැ­ම්බර් මාසයේ සිට මේ දක්වා අභි­යා­ච­නා­ධි­ක­ර­ණය තුළ විනි­සුරු පුර­ප්පාඩු 05ක් පමණ ඇති වී තිබුණ ද මෙතෙක් එම පුර­ප්පාඩු පිර­වී­මට අවශ්‍ය කට­යුතු කර නැති බව පෙත්ස­මෙහි සඳ­හන් වේ.

එම­ඟින් ආණ්ඩු­ක්‍රම ව්‍යව­ස්ථාව මඟින් සහ­තික කර තිබෙන මූලික අයි­ති­වා­සි­කම් උල්ලං­ඝ­නය වී ඇති බැවින් ඒ බවට ප්‍රකා­ශ­යක් කරන ලෙස පෙත්සම මඟින් ඉල්ලා ඇත.(දිනමිණ)