2019 පාස්කු ඉරිදා ප්‍රහාරයට අදාළව 2023 සැප්තැම්බර් මස මුල් භාගයේ චැනල් 4 සම්මුඛ සාකච්ඡාවක දී මොහොමඩ් මිල්හිලාර් මොහොමඩ් හන්සීර් හෙවත් අසාද් මවුලානා විසින් කරන ලද සනාථ නොකළ ප්‍රකාශ හිටපු රාජ්‍ය ඇමැති සිවනේෂතුරෙයි චන්ද්‍රකාන්තන් හෙවත් පිල්ලෙයාන් ප්‍රතික්ෂේප කර තිබේ.

අසාද් මවුලානා යනු යුද සමයේ ඔහුගේ මාධ්‍ය ලේකම්වරයායි.

චන්ද්‍රකාන්තන් අවධාරණය කළේ, හැකි ඉක්මණින් අසාද් මවුලානා පිටුවහල් කිරීමට අවශ්‍ය පියවර ගැනීම වත්මන් ආණ්ඩුවේ වගකීම බවයි.

මවුලානා අවස්ථාවෙන් ප්‍රයෝජන ගනිමින් විදේශයන්හි දේශපාලන රැකවරණ ලබා ගන්නා බවට ද චන්ද්‍රකාන්තන් චෝදනා කළේය.

හිටපු පාර්ලිමේන්තු මන්ත්‍රීවරයා රජයෙන් ඉල්ලා සිටියේ නිශ්චිත බුද්ධි අනතුරු ඇඟවීමක් හැසිරවීමට ආරක්ෂක අංශ සැළකිලිමත් නොවීම පිළිබඳ පරීක්ෂා කරන ලෙසයි.

කුමන තත්ත්වයක් යටතේ වුවද බොරු ප්‍රකාශ කිරීම අනුමත කළ නොහැකි අතර අපරාධ පරීක්ෂණ දෙපාර්තමේන්තුව සමඟ පූර්ණ සහයෝගයෙන් කටයුතු කරන බව ද හිටපු මන්ත්‍රීවරයා පැවසීය.

චෝදනාවේ හරය වූයේ මඩකලපුවේ සහ වනාතවිල්ලුවේදී රහසිගත රැස්වීම් පැවැත් වූ බවත්, පසුව පුපුරණ ද්‍රව්‍ය සොයා ගත් බවත්, ඒවා සත්‍යාපනය කර නොමැති බවට මවුලානා ප්‍රකාශ කළ බවත් යැයි චන්ද්‍රකාන්තන් පෙන්වා දී තිබේ.

පාස්කු ඉරිදා සිදුවූ බහුවිධ පිපිරීම්වලින් විදේශිකයන් 40ක් ඇතුළුව පුද්ගලයින් 270ක් පමණ මිය ගිය අතර 500කට ආසන්න පිරිසක් තුවාල ලැබූහ.

2006-2022 කාලසීමාව තුළ තමන් සමඟ සිටි මවුලානා යුරෝපයේ සිය දේශපාලන රැකවරණ ආරක්ෂා කර ගැනීමේ අරමුණින් දේශපාලන අරමුණු සහිත බොරු ප්‍රචාර කළ බවට නැගෙනහිර පළාත්හිටපු ප්‍රධාන ඇමැති සහ දෙමළ මක්කල් විදුතලෙයි පුලිකල් (TMVP) නායක චන්ද්‍රකාන්තන් චෝදනා කරයි.

මවුලානාගේ චෝදනා සම්බන්ධයෙන් අපරාධ පරීක්ෂණ දෙපාර්තමේන්තුව පසුගියදා චන්ද්‍රකාන්තන්ගෙන් ප්‍රශ්න කළ අවස්ථාවේදී ඔහු සිය ස්ථාවරය පැහැදිලි කර ඇත.

2005 වසරේ හිටපු පාර්ලිමේන්තු මන්ත්‍රී ජෝශප් පරරාජසිංහම් ඝාතනය සම්බන්ධයෙන් තමන් රඳවා සිටි මඩකලපුව බන්ධනාගාරයේදී හිටපු හමුදා බුද්ධි අධ්‍යක්ෂක මේජර් ජෙනරාල් සුරේෂ් සලේ චන්ද්‍රකාන්තන් හමුවූයේ මඩකලපුව ශාන්ත මරියා දේවස්ථානයේදී බවට මවුලානා චෝදනා කරයි.

පුත්තලම දිස්ත්‍රික්කයේ වනාතවිල්ලුව, කරදියපුවල් ප්‍රදේශයේ පොල් වත්තකදී මේජර් ජෙනරාල් සුරේෂ් පාස්කු ඉරිදා මරාගෙන මැරෙන බෝම්බකරුවන් වන ඔවුන්ගේ නායක සහරාන් හෂීම් ඇතුළු පිරිස හමුවී ඇති බවටද මවුලානා චෝදනා කළේය.

2019 අප්‍රේල් 21 පාස්කු ඉරිදා ප්‍රහාරය සිදු වූ දින උදෑසන කොළඹ ටාජ් සමුද්‍රා හෝටලයෙන් පුද්ගලයකු ගෙන්වා ගන්නා ලෙස තමාට සලේගෙන් දුරකථන ඇමතුමක් ලැබුණු බවට ඔහු ප්‍රකාශ කළ බවට ද වාර්තා වේ.

(The Island)