සෞදි අරාබියේ ජෙඩා හි පැවැත්වෙන 2025 ඉන්දීය ප්‍රිමියර් ලීග් (IPL) තරගාවලියේ වෙන්දේසියේ පළමු දිනයේදී ශ්‍රී ලංකා දඟපන්දු යවන්නන් වන වනිඳු හසරංග සහ මහීෂ් තීක්ෂණ රාජස්ථාන් රෝයල්ස් කණ්ඩායම විසින් මිලදී ගන්නා ලදී.

දඟපන්දු යවන්නන් දෙදෙනාම වෙන්දේසියට ඉදිරිපත් වූයේ ඉන්දීය රුපියල් මිලියන 20ක මූලික මිලකටය.

එහිදී තීක්ෂණ ප්‍රථමයෙන් ඉන්දීය රුපියල් මිලියන 44කට(ශ්‍රී ලංකා රුපියල් මිලියන 150කට පමණ) අලෙවි වූ අතර, පසුව එම රුපියල් මිලියන 52.5කට(ශ්‍රී ලංකා රුපියල් මිලියන 180කට පමණ) හසරංග අලෙවි විය.

ඊයේ වෙන්දේසියේ සිටි ශ්‍රී ලංකා ක්‍රීඩකයන් වූයේ තීක්ෂණ සහ හසරංග වන අතර ඉතිරි ක්‍රීඩකයන්ට අද වෙන්දේසියේ දෙවැනි දිනයේ ලංසු තැබීමට බලාපොරොත්තු වේ.