පොදු ගොඩනැගිලිවල බිත්ති මත හෝ පොදු ස්ථානවල බුලත් කෙළ ගසන පුද්ගලයන්ට එරෙහිව නීතිමය පියවර ගැනීමට බදුල්ල මහ නගර සභාවේ සෞඛ්‍ය දෙපාර්තමේන්තුව තීරණය කර තිබේ.

පසුගියදා සිදු කළ වැටලීමකදී මහජන සෞඛ්‍ය පරීක්ෂකවරුන් එවැනි පුද්ගලයන් 20 දෙනෙකු දැලට හසුකර ගත් අතර ඔවුන්ට එරෙහිව නඩු පැවරීමට තීරණය කර ඇත.

ඔවුන් අතර ප්‍රධාන බස් නැවතුම් පොළේ බස් රථ එනතුරු සිටි මගීන් කිහිප දෙනෙකු සහ බස් රථ රියදුරන් මෙන්ම කොන්දොස්තරවරුන් ද විය.

බදුල්ල මහජන සෞඛ්‍ය පරීක්ෂක ප්‍රධානී H.T. තිලකසිරි පැවසුවේ නාගරික කොමසාරිස් ජගත් ප්‍රියශාන්තගේ උපදෙස් මත තවදුරටත් වැටලීම් සිදුකරන බවයි.