November 17, 2024
ජාතික ලැයිස්තුවෙන් තම පක්ෂයට හිමි වූ මත්රී ධුර18 පිරවීම සඳහා පක්ෂයේ ජ්‍යෙෂ්ඨ නායකයන්, වෘත්තීය සමිති නියෝජිතයන් සහ වෘත්තිකයන්ගෙන් සමන්විත තාවකාලික ලැයිස්තුවක් ජාතික ජන බලවේගය ඉදිරිපත් කර තිබේ.
සමගි ජනබලවේගය සහ නව ප්‍රජාතන්ත්‍රවාදී පෙරමුණ හෙට ඔවුන්ගේ ලැයිස්තු අවසන් කිරීමට නියමිත බව වාර්තා වේ.
තම පක්ෂය විසින් මැතිවරණ කොමිෂන් සභාවට භාර දී ඇති 29 දෙනාගේ ලැයිස්තුවෙන් නම් 18ක් ප්‍රකාශයට පත් කළ නමුත් අවසන් ලැයිස්තුව තවමත් තහවුරු කර නොමැති බව ජාතික ජන බලවේගය පවසයි.
ජාතික ජන බලවේගය තාවකාලික ජාතික ලැයිස්තුව සමන්විත වන්නේ;
බිමල් රත්නායක
ආචාර්ය වසන්ත සුභසිංහ
ආචාර්ය අනුර කරුණාතිලක
ආචාර්ය උපාලි පන්නිලගේ
එරංග උදේශ් වීරරත්න
අරුණ ජයසේකර
ආචාර්ය හර්ෂණ සූරියප්පෙරුම
ජනිත රුවන් කොඩිතුවක්කු
පුණ්‍ය ශ්‍රී කුමාර ජයකොඩි
රාමලිංගම් චන්ද්‍රසේකරන්
වෛද්‍ය නජිත් ඉන්දික
සුගත් තිලකරත්න
ලක්මාලි හේමචන්ද්‍ර
සුනිල් කුමාර ගමගේ
ගාමිණී රත්නායක
මහාචාර්ය රුවන් චමින්ද රණසිංහ
සුගත් වසන්ත ද සිල්වා
කීර්ති වැලිසරගේ
යන අයගෙනි.
ජාතික ලැයිස්තුවෙන් පාර්ලිමේන්තුවට මන්ත්‍රීවරුන් නම් කිරීම සම්බන්ධයෙන් තවදුරටත් සාකච්ඡා කරමින් පවතින බව සමගි ජන බලවේගයේ මහ ලේකම් රංජිත් මද්දුම බණ්ඩාර ප්‍රකාශ කර තිබේ.
ඔවුන්ට ජාතික ලැයිස්තුව යටතේ මන්ත්‍රී ධුර පහක් හිමිය.
මේ අතර ජාතික ලැයිස්තු මන්ත්‍රී ධුර දෙක තීරණය කිරීම සඳහා නව ප්‍රජාතන්ත්‍රවාදී පෙරමුණ හෙට පස්වරු 3ට රැස්වීමට නියමිතය.
හිටපු ජනාධිපති උපදේශක සමන් රත්නප්‍රියට අනුව හිටපු ජනාධිපති රනිල් වික්‍රමසිංහ පාර්ලිමේන්තුවට පැමිණීම ප්‍රතික්ෂේප කර ඇති නමුත් එම සාකච්ඡාවේදී පක්ෂය විසින් ඒ පිළිබඳ අවධානය යොමු කිරීමට නියමිතය.
ඉලංකෙයි තමිල් අරසු කච්චි පක්ෂයේ දේශපාලන මණ්ඩලය ද ජාතික ලැයිස්තුව පිළිබඳ සාකච්ඡා කිරීම සඳහා අද රැස්වීමට නියමිතය.
ඡන්දයෙන් යළි තේරී පත්වීමට අපොහොසත් වූ යාපනය දිස්ත්‍රික් හිටපු පාර්ලිමේන්තු මන්ත්‍රී එම්.ඒ.සුමන්තිරන් පැවසුවේ තමන් ජාතික ලැයිස්තුවෙන් පැමිණීමට අපේක්ෂා නොකරන නමුත් පක්ෂයේ තීරණයට ගරු කරන බවයි.
ශ්‍රී ලංකා පොදුජන පෙරමුණේ ප්‍රධාන ලේකම් සාගර කාරියවසම් පැවසුවේ සිය ජාතික ලැයිස්තු මන්ත්‍රී ධුරය සඳහා නාමල් රාජපක්ෂ පාර්ලිමේන්තුවට පැමිණෙනු ඇති බවයි.
ශ්‍රී ලංකා පොදුජන පෙරමුණ වෙනුවෙන් ගාල්ල සහ හම්බන්තොට දිස්ත්‍රික්කවලින් තවත් මන්ත්‍රීවරු දෙදෙනෙක් සෘජුවම තේරී පත් වූහ.
ශ්‍රී ලංකා මුස්ලිම් කොංග්‍රසය සහ සර්වජන බලය පක්ෂ ද ජාතික ලැයිස්තු මන්ත්‍රී ආසන එක බැගින් හිමිකරගෙන තිබේ.
