පුත්තලම, සාලියවැව පොලිස් වසමේ පදිංචි පුද්ගලයකුට පොලුවලින් පහර දී කරන ලද ඝාතනයක් සම්බන්ධයෙන් පොලිසිය විමර්ශන ආරම්භ කර ඇත.

ඊයේ අලුයම් කාලයේ සාලියවැව පොලිස් වසමේ යාය 07 ප්‍රදේශයේ නිවසකට ඇතුළු වී කාමරයේ දොර කඩා මෙම පුද්ගලයාට පහර දී ඝාතනය කර ඇති බවට ලද පොලිසියට පැමිණිල්ලක් ලැබී තිබේ.

මරණකරු වයස අවුරුදු 35ක් වූ අයෙකි.

ඊට පෙර දින රාත්‍රී කාලයේ පැවති මත්පැන් සාදයකදී ඇති වූ බහින්බස් වීමක් දුර දිග යෑම නිසා එම සාදයේ සිටි දෙදෙනෙකු සාදයෙන් පසු නැවත පැමිණ මෙම පහරදීම සිදුකර ඝාතනය කර ඇති බවට අනාවරණ වී ඇත.

අපරාධයට සම්බන්ධයෙන් සාලියවැව ප්‍රදේශයේ පදිංචි අවුරුදු 23 හා 24 වයස්වල පසුවන සැකකරුවන් දෙදෙනෙකු අත්අඩංගුවට ගෙන තිබේ.

මහේස්ත්‍රාත් පරීක්ෂණයෙන් පසු මෘත ශරීරය පුත්තලම රෝහලේ මෘත ශරීරාගාරයේ තැන්පත් කර ඇත.