10 වැනි පාර්ලිමේන්තුවට තේරී පත් වූ නවක මන්ත්‍රීවරුන් සඳහා පාර්ලිමේන්තු ක්‍රමය සම්බන්ධයෙන් තෙදින වැඩමුළුවක් පැවැත්වීමට තීරණය කර තිබේ.

වැඩබලන පාර්ලිමේන්තු මහලේකම් චමින්ද කුලරත්න පවසන්නේ මෙම වැඩමුළුව නොවැම්බර් 25, 26 සහ 27 යන දිනවල පැවැත්වෙන බවයි.

එමෙන්ම නව මන්ත්‍රීවරුන් ලියාපදිංචි කිරීම නොවැම්බර් 18 සිට 20 දක්වා සිදු කෙරේ.

මෙම කටයුතු හේතුවෙන් පාර්ලිමේන්තු සේවකයන්ගේ නිවාඩු ද නොවැම්බර් 18 සිට 22 දක්වා අවලංගු කර ඇත.

නව පාර්ලිමේන්තු සැසිවාරය නොවැම්බර් 21 වැනිදා පෙරවරු 10ට රැස්වීමට නියමිතය.