ලබන වසරේ සිට පාසල් සිසුන්ට ලිපි ද්‍රව්‍ය පොත්පත් මිලදී ගැනීමට සහන ලබාදීමට රජය අපේක්ෂා කරන බව අග්‍රාමාත්‍ය ආචාර්ය හරිනි අමරසූරිය පවසයි.

අතුරුගිරියේ පැවැති ජනහමුවකට එක්වෙමින් ඇය වැඩිදුරටත් පැහැදිලි කළේ, ජනාධිපතිවරයාගේ අනුමැතිය පරිදි මෙම වැඩපිළිවෙළ ක්‍රියාත්මක කිරීමට නියමිත බවයි.

අන්තර්ජාතික ප්‍රජාවගෙන් රටට ලැබෙන සහයෝගය තවදුරටත් ශක්තිමත් වී ඇති බවත්, ජනාධිපතිවරයාගේ මැදිහත්වීම මත රජයට යම් සහනයක් ලබාදීමට හැකිව ති බවත් ඇය වැඩිදුරටත් සඳහන් කළාය.

විශ්‍රාම වැටුප් දීමනාව වැඩි කිරීමටත් ධීවරයින්ට ලබාදෙන දීමනාව වැඩිකිරීමටත් රජයට හැකි වූ බව අගමැතිවරිය පැවසීය.

“කෙටිකාලීන දීමනා පමණක් නොව, අපි ඉදිරිපත් කරන අයවැයෙන්, සමාජ ආරක්ෂණය ශක්තිමත් කිරීම, විශ්‍රාමිකයන් ආරක්ෂා කිරීම සහ ජීවන වියදම, විශේෂයෙන් සෞඛ්‍ය සහ අධ්‍යාපනය ශක්තිමත් කිරීම සඳහා ක්‍රමයක් අපි සොයා බලනවා. ජනතාව මත පැටවී ඇති බර ලිහිල් කළ යුතුයි,” ඇය පැවසුවාය.

ආහාර, සෞඛ්‍ය, අධ්‍යාපනය සහ ප්‍රවාහනය සඳහා රටේ වියදම්වලින් වැඩි ප්‍රතිශතයක් වෙන්කර ඇති බව අගමැතිවරිය වැඩිදුරටත් සඳහන් කළාය. “ඒවා පාලනය කළොත් වියදම පාලනය වෙනවා. එම කරුණු සලකා බලා අයවැය සකස් කරනවා.”

“නව වසරේ පාසල් ආරම්භ කරන විට පාසල් දරුවන්ට සහනයක් ලබාදීමට අපි බලාපොරොත්තු වෙනවා. විශේෂයෙන්ම පොත් මිලදී ගැනීමේදී ඔවුන්ට සහනයක් ලබාදීමට අපි බලාපොරොත්තු වෙනවා. අපි ඒ සඳහා සැලසුම් සකස් කරමින් සිටිනවා.” ඇය වැඩිදුරටත් පැවසුවාය.