නීතිවිරෝධී ලෙස හක්බෙල්ලන් 1180ක් ළඟ තබාගෙන සිටි සැකකරුවකු නාවික හමුදාව අත්අඩංගුවට ගෙන ඇත.

කල්පිටිය, වන්නිමුන්දලම ප්‍රදේශයේදී බලපත්‍රයක් නොමැතිව ප්‍රවාහනය කිරීමට නියමිතව තිබියදී සඟවා තිබූ හක්බෙල්ලන් තොගය පොලිසිය සමඟ එක්ව සිදුකළ සෝදිසි මෙහෙයුමකදී අත්අඩංගුවට ගෙන තිබේ.

ඒ අනුව අත්අඩංගුවට ගත් 52 හැවිරිදි සැකකරු, කල්පිටිය, මණ්ඩල්කුඩා ප්‍රදේශයේ පදිංචිකරුවෙකු වන අතර ඔහු ඉදිරි නීතිමය කටයුතු සඳහා හක්බෙල්ලන් සමඟ පොලිසියට භාරදීමට කටයුතු කර ඇත.