රුසියාව පදනම් කරගත් රෙඩ් වින්ග්ස්(Red Wings) ගුවන් සමාගම ඔක්තෝබර් 28 වැනිදා සිට සංචාරකයන් 68,000ක් පමණ ශ්‍රී ලංකාවට ගෙන්වා ගැනීමට අපේක්ෂා කරන බව එම වෙළෙඳාමේ යෙදී සිටින හිටපු නියෝජිතයකු වන උදයංග වීරතුංග පවසයි.

Red Wings විසින් මොස්කව්, කසාන්, Novosibirsk, Ekaterinburg, සෝචි සහ සමාරා සිට මැයි 06 දක්වා ශ්‍රී ලංකාවේ හම්බන්තොට ගුවන්තොටුපළ දක්වා සතියකට ගුවන් ගමන් හයක් ක්‍රියාත්මක කරන බව උදයංග වීරතුංග සඳහන් කර ඇත.

මෙම ගුවන් ගමන් 160 ක් මගින් සංචාරකයන් 68,000 ක් ගෙන එන අතර එමඟින් ඩොලර් මිලියන 102 ක සංචාරක ආදායමක් ලැබෙනු ඇතැයි ඔහු පෙන්වාදෙයි.

2022 දෙසැම්බර් මාසයේදී රෙඩ් වින්ග්ස් ශ්‍රී ලංකාවට ගෙනඒමට තමා මැදිහත් වූ බවත්, එහි ප්‍රතිඵලයක් ලෙස මත්තල ගුවන් තොටුපොළ හරහා සංචාරකයන් 94,795ක් දිවයිනට පැමිණ ඇති බවත්, එමගින් ඩොලර් මිලියන 150ක සංචාරක ආදායමක් උපයා ගැනීමට හැකි වූ බවත් හෙතෙම පවසයි.

පසුගිය වසරේ මෝල්ඩෝවා, එස්තෝනියාව, ලිතුවේනියාව, ලැට්වියාව සහ පෝලන්තය යන රටවල සිට SkyUp සහ FlyOne ගුවන් සේවා හරහා සංචාරකයන් 8,282ක් මෙරටට පැමිණ තිබේ.

Red Wings සඳහා නියෝජිතයන් වූයේ Tropical Aviation Services ය.

සංචාරකයන් රැගෙන ආ රුසියාවේ සංචාරක නියෝජිතයන් වූයේ ANEX සහ Fun & Sun ය.

ශ්‍රී ලංකාවේ සංචාරකයන් හසුරුවනු ලැබුවේ එක්සොටික් හොලිඩේස් ඉන්ටර්නැෂනල් ආයතනය විසිනි.