October 27, 2024
සූරියවැව පොලිසිය මීගහජදුර ප්‍රදේශයේ රථවාහන පරීක්ෂාවකදී අණ කළ විට නතර කිරීමට නොහැකි වූ ලොරි රථයකට වෙඩිතබා ඇත.
ලූණුගම්වෙහෙර සිට සූරියවැව දෙසට ධාවනය වූ ලොරි රථය නවත්වන ලෙසට පොලිසිය කළ සංඥා නොතකා අපරික්ෂාකාරී ලෙස ධාවනය කර ඇති බව පොලිසිය පවසයි.
පොලිසිය එහි ටයරයකට වෙඩි තැබීමෙන් පසු වාහනය නතරවී ඇත.
රියදුරු අත්අඩංගුවට ගැනීමේදී ලොරි රථයේ ගවයන් 17ක් ප්‍රවාහනය කරමින් තිබූ බව පොලිසිය අනාවරණය කරගෙන තිබේ.
රියදුරු අත්අඩංගුවට ගෙන ඇති අතර ඔහු හම්බන්තොට මහේස්ත්‍රාත් අධිකරණයට ඉදිරිපත් කිරීමට නියමිතය.
